設定貼子語言 Set language for posts :
中文
English
中英雙文 English & Chinese

26.05.2007 | 京滬遊(VIII) 今日去郊游

今日去郊游.. 突然間諗到郊游呢兩個字, 覺得好切合今日去杭州嘅心情.. 今次好開心, 因為係一大班人一齊去, 多得小慧面子夠廣.. 上邊右上角張相由左至右: Calvin, 阿年, Chloe, 曉慧, SK, Kenji, 惠茹, 仲有唔喺入邊嘅彩琴同Malcom(阿媽湊仔瞓覺所以留喺酒店).. 好耐冇影團體照喇, 呢幾張都影得好正..

話說今次係小慧第八次去杭州喇, 難得嘅係佢仍然不辭辛苦咁篇排行程兼且湊住我哋一眾人, 好感激啊.. 好耐都未試過咁多人一齊去「郊游」喇, 所以呢個杭州之旅一班人有講有笑咁的確好開心.. 而且我覺得杭州市本來就係一個唔錯嘅地方, 所以絕對好慶幸可以有機會嚟到..

今日行程: 日遊西湖, 畀人焜上車去咗所謂嘅杭州五大景點, 尋找小慧極力推介嘅柳浪聞鶯, 外婆家餐館食晚飯, 錢櫃唱K.. 最難忘就係餐飯, 因為聞名嘅東坡肉售罄, 所以我哋一口氣好豪咁點咗十幾樣餸, 碟碟好味而且賣單時每人淨係RMB50, 今餐令小君不停咁稱讚三日都要繼續稱讚.. 成日高潮就係飯後余興喇, 去咗酒店對面間錢櫃唱K.. 間K嘅裝簧簡直一絕, 氣派撇甩酒店九條街.. 雖然我哋放棄咗物盡其用酒店住宿嘅RMB250, 但係唱完K後每人RMB85的確畀得開心(係喇, 小君又再次見牙唔見眼)..

呢一日, 就喺一片喧嘩歡笑聲中結束喇.. 喧嘩歡笑聲係乜嘢?? 咪就係用盡RMB250的故事囉, 哈哈..

4 comments:

  1. 多得朋友的厚爱, 大家都好赏脸, 才能把这个感觉弄得这样好。这是大家的功劳。不过, 看完了你这个BLOG,真的好怀念那时的感觉. 每当我要想念当时的感觉,就会看看这一片BLOG。。好好回味。

    ReplyDelete
  2. 为什么你没有把那从海华大酒店的故事写下来呢?你还记得吗? 从钱柜到海华大酒店的故事?哈哈阿哈哈。 

    ReplyDelete
  3. 边有三日?!第三日神早没睡醒就飞回KL了啦。
    不过讲真,真的是好吃又有创意!

    ReplyDelete
  4. SH: 有些事情不用說得太清楚, 把那份回憶好好放在心上.. 因為我知道如何用文字也不能表達當時那個神髓, 只有在腦海裡的才是最完美吧??

    CHLOE: 冇三日都有兩日啦.. 睇嚟你至今都仍然念念不忘噃.. 哈哈!! 不過老實講, 我最懷念北京大董嗰餐..

    ReplyDelete