經過噚日一個慘痛經歷之後, 今日終於天公作美, 我同小君終於一嘗好漢滋味喇.. 同樣晨早七點半出門, 食咗早餐之後就去天安門東南面個旅遊集散中心, 坐巴士去八達嶺長城.. 嚟到北京, 點可以唔去長城啊?? 正所謂不到長城非好漢吖嘛..能夠踏上長城, 心情確實係好驕傲架, 而且我哋一路行一路擺姿態影靚相, 終於都登上長城最高點嘅好漢坡.. 個感覺真係同去其他景點好唔同, 因為你會因為長城嘅偉大而感到自豪, 古人係點樣可以建起呢座長城?? 真係要為佢哋拍爛手掌.. 不過我覺得嗰時候我同小君擺姿態影靚相嘅心情, 係大於對於長城仰慕嘅心情, 哈哈.. 其實好簡單一句, 為咗證明我哋曾經到此一遊..
長城之後, 夜晚就同小明Zoe一班朋友去大董食飯.. 當然就少不了出晒名嘅北京烤鴨啦.. 呢間嘢確實巴閉, 七點後不設訂位, 所以有個好大嘅廳畀客人等位, 可以透過玻璃睇到廚房烤鴨經過, 而且仲可以任挪嘢飲添噃(衰到連wine都有添架).. 難怪佢咁巴閉都仲有咁多人幫襯, 啲嘢真係整得好靚好好食, 尤其個烤鴨更是令我為之驚艷.. 呢一餐我好滿意, 今日我係食得好滿足嘅好漢一名..
I love the pic took at the Great Wall.
ReplyDeleteyeah.. and now you know how well you can pose, and how well i can take a shot.. hahahaha!!!
ReplyDeletep/s: they are just too good to be displayed here..