設定貼子語言 Set language for posts :
中文
English
中英雙文 English & Chinese

12.05.2007 | 員工同樂日

今日係本公司所謂一個月一次嘅員工同樂日.. 公司為咗拉近個同事之間嘅關係同距離, 所以喺個budgeting上係有撥款入呢個員工同樂基金嘅.. 今個月同事plan咗去Bukit Tinggi呢個山莊, 我其實之前(正確嚟講應該係幾年前)都去過, 個地方都幾唔錯啦.. 下晝兩點鐘集合, 三架車一齊上山, 原本應該係個唔錯嘅outing, 但係咁啱得咁翹竟然落起雨嚟.. 成個禮拜都唔見落雨, 但係偏偏就喺今日落雨.. 冇辦法啦, 一場上山為咗唔掃興, 唯有擔遮囉.. 就咁整個同樂日因為場雨嘅關係, 未能盡興..

之後同個朋友提起呢件事, 佢話好羨慕我可以每個月都有呢啲活動, 因為佢就係一年先得嗰一次.. 我就話佢間大公司同我唔同, 我呢啲真係叫做outing, 而佢嗰啲正確嚟講應該只能叫做team building.. 雖然個objective都係要拉緊關係, 但係兩者其實好大差別.. team building需要分作活動, 要完成個一早決定好嘅任務, 最後present畀個organiser後仲要自我檢討.. 我覺得好公式化, 其實同返工一team人做嘢冇乜分別.. 反而我呢個outing就真係純粹大家出嚟聚吓, 一齊去吓一個地方輕鬆吓, 就係好似一班朋友去街咁簡單.. 我覺得反而個效果會好過啲team building囉, 不過始終呢個就係細公司同大機構嘅分別..

No comments:

Post a Comment