16.08.2013 | 杭州逍遙

[Volume 8 Issue 8, #1771]

點擊圖片觀賞全套相片 | Click image for full set of photos 杭州逍遙 @ 2007 | Leisure in Hangzhou @ 2007 點擊以下按鈕瀏覽照片 | Click buttons below to browse photos  |                |  « » 已看過最尾照片, 再由首張照片繼續瀏覽.. last photo viewed, browsing from first photo again..

本來呢個2007年嘅上海與北京之旅, 都係打算嚟個雙城遊嘅啫, 不過咁啱喺上海嘅時間有個週末, 朋友唔駛返工, 所以就建議搞個weekend trip, 於是就成就咗呢個兩日一夜嘅杭州遊, 對我嚟講算係個額外收穫.. :) 因為週末關係, 所以可以湊夠一大班朋友一齊去杭州.. 朋友大大話話去過杭州八次咁多, 都依然熱情跟隨, 有佢做盲公竹, 整個trip雖然有啲趕, 但係都算係頗逍遙嘅.. 呢個所謂嘅weekend trip, 其實係同朋友一聚多過去觀光.. 所以除咗幾個比較主要嘅景點(西湖, 雷峰塔, 靈隱寺), 其餘時間都係食嘢同室內消遣.. 最記得係為咗食杭州出名嘅東坡肉而四處奔波, 呵呵!! :D 人在杭州嘅時候, 頭髮開始長咗啲, 所以頭世紀難睇髮型都開始冇咁難睇喇, 我都可以唔駛戴著頂帽遮醜喇, 感覺超涼爽(個頭同埋個心情)~~ :D.. 當時都有寫過呢一個上海之旅嘅, 不過啲相比蚊滋仲要細, 視覺享受絕對係零分啦, 呵呵!! 不過確實係記載住當時每日嘅心情同事跡嘅.. 有興趣可以去呢度重溫噃.. :)

the trip to shanghai and beijing in year 2007 was initially really meant for the two cities only, but because we had a weekend in shanghai, a friend suggested that we do a weekend breakaway out of shanghai, and hence we had this 2D1N short trip to hangzhou, indeed it was a bonus to me.. :) because of the weekend, we were able to get more friends to join us for the weekend trip.. a friend has been to hangzhou for as many as 8 times yet she followed, with her a our guide, the trip though was a little rush but overall it was a good and leisure one.. it was a weekend getaway, so more of catching up with friends than sightseeing.. hence besides some more important attractions (west lake, leifeng pagoda, temple of soul's retreat) we spend more time in eating and indoor entertainments.. i still remember we hunt here and there just for the famous hangzhou dongpo style braised pork, haha!! :D when i was in hangzhou, my hair has slightly grown longer and hence that ugly hairstyle didn't look as ugly as it was before.. i also didn't need to wear my cap to cover it, so i felt more cooling (i mean both my head and my heart too)~~ :D i kind of blogged about this trip to shanghai back then, all in chinese and photos were so tiny even a magnifying glass could not help.. however they did record my views and incidents that has happened at those particular moments.. click here if you are interested to read on..

27.05.2007 | 京滬遊(IX) 與時間競賽

我哋喺杭州過咗一晚, 下晝四點鐘坐巴士返上海.. 因為噚晚過份盡興, 所以今朝大家可以準備活動都已經為時正午喇.. 去咗小慧極力推介嘅靈隱寺, 佢呢個寺廟好靚, 而且我嚟咗中國咁耐都未去過一間寺廟, 所以唔去會後悔.. 小慧話呢個寺廟好靈, 因為佢上次喺度亂講嘢, 所以搞到自己喺廁所扭襯腳, 跟住行咗十步路後就即刻暈低..

個寺廟範圍外邊有個公園, 裡頭有好多佛像石雕, 整得好靚好有靈性, 但係因為時間關係, 只能睇到週邊幾個.. 寺廟範圍有五六個廟依山而建, 每個都供奉唔同嘅神, 但係最令我印象深刻為之震撼嘅, 係個五百羅漢館, 每個羅漢銅像都栩栩如生, 但係我哋始終都搵唔到第五百個, 最後一個編號都好似淨係四百六十幾..

行完都兩點鐘, 於是匆匆忙忙咁喺臨走前食番餐飯, 目標就係噚晚有錢都食唔到嘅東坡肉.. 呢餐好匆忙咁喺二十分鐘內搞掂, 不愧為速戰速決, 所以未能真正享受盅東坡肉層肥肉入口即溶嘅感覺, 確係杭州一大遺憾也.. 食完之後, 即刻飛奔汽車東站, 坐長途巴士返上海.. 因為今個週末係雙休, 所以好多人去杭州.. 沿途個個都擔心趕不切, 不過好彩到達車站時間啱啱好, 隨即上車返上海喇..

其實杭州都真係唔錯架, 難怪小慧去過八次都唔覺得悶啦.. 我可以肯定, 今次同我哋一齊去, 個感覺會係最開心嘅一次, 係嗎??

26.05.2007 | 京滬遊(VIII) 今日去郊游

今日去郊游.. 突然間諗到郊游呢兩個字, 覺得好切合今日去杭州嘅心情.. 今次好開心, 因為係一大班人一齊去, 多得小慧面子夠廣.. 上邊右上角張相由左至右: Calvin, 阿年, Chloe, 曉慧, SK, Kenji, 惠茹, 仲有唔喺入邊嘅彩琴同Malcom(阿媽湊仔瞓覺所以留喺酒店).. 好耐冇影團體照喇, 呢幾張都影得好正..

話說今次係小慧第八次去杭州喇, 難得嘅係佢仍然不辭辛苦咁篇排行程兼且湊住我哋一眾人, 好感激啊.. 好耐都未試過咁多人一齊去「郊游」喇, 所以呢個杭州之旅一班人有講有笑咁的確好開心.. 而且我覺得杭州市本來就係一個唔錯嘅地方, 所以絕對好慶幸可以有機會嚟到..

今日行程: 日遊西湖, 畀人焜上車去咗所謂嘅杭州五大景點, 尋找小慧極力推介嘅柳浪聞鶯, 外婆家餐館食晚飯, 錢櫃唱K.. 最難忘就係餐飯, 因為聞名嘅東坡肉售罄, 所以我哋一口氣好豪咁點咗十幾樣餸, 碟碟好味而且賣單時每人淨係RMB50, 今餐令小君不停咁稱讚三日都要繼續稱讚.. 成日高潮就係飯後余興喇, 去咗酒店對面間錢櫃唱K.. 間K嘅裝簧簡直一絕, 氣派撇甩酒店九條街.. 雖然我哋放棄咗物盡其用酒店住宿嘅RMB250, 但係唱完K後每人RMB85的確畀得開心(係喇, 小君又再次見牙唔見眼)..

呢一日, 就喺一片喧嘩歡笑聲中結束喇.. 喧嘩歡笑聲係乜嘢?? 咪就係用盡RMB250的故事囉, 哈哈..