除夕日, 公司例牌都係返半日工, 但係呢半日其實都唔會productive到邊, 因為全世界八成人放假, 而且十成人已經holiday mood.. 所以大家輕輕鬆鬆咁, 唔駛一瞬間就可以收工走人, 有乜嘢留返過年後先打理啦.. 臨收工時係咁意收拾檯面, 求其送舊迎新嘅意頭, 一點鐘準時鬆人.. 之後去咗健身院作新年頹廢生活錢嘅最後衝刺, 跟住就行去隔離商場作新年前最後一個購物衝刺.. 大概晚飯時間, 當啲商店都收早可讓員工回家團圓之時, 我亦都稍有斬獲地歸家喇.. 回到家中, 親戚們都已經嚟齊晒咁濟, 我都算頗大牌喇, 哈哈.. 結果成晚夜就係食嘢, 傾偈, 睇電視, 畀長輩摧婚, 逗細路玩, 攤大手板收利是..
好似每一年都係咁樣嘅模式過除夕, 每一年食嘅嘢都係大同小異, 每一年收到嘅利是錢都係咁上下.. 真係冇點新意, 但係又每次都好期望佢嘅來臨噃!! 過新年, 其實係件好開心嘅事嚟嘅~~
No comments:
Post a Comment