設定貼子語言 Set language for posts :
中文
English
中英雙文 English & Chinese

01.02.2008 | 美食小貼士

清理舊電郵之時, 眾多友人forward過嚟嘅趣怪附件裡頭, 發現有個關於美食小貼士嘅, 覺得頗有趣, 在此同大家分享分享.. 未試過未知係唔係真嘅確有其事, 但係不妨一試, no harm..

  • 想要個檸檬可以搾得多啲汁出嚟, 個檸檬一定要係室溫, 搾汁前先用手掌輕輕喺個檯面上碌兩碌..
  • 手指上如留下食物污跡, 可以用生薯片拭擦, 跟住用清水洗洗就攪掂啦..
  • 想知道隻蛋是否新鮮?? 將佢浸入凍鹽水入便, 如果係沉嘅話, 即係話隻蛋係新鮮嘅.. 如果係浮喺面嘅, 隻蛋揼得架喇..
  • 買咗太多西芹食唔晒?? 用錫紙包起嚟擺入雪櫃, 可以儲存幾個星期架..
  • 炒飯唔一定要用隔夜飯.. 煮飯時落兩滴油, 咁啲飯煮好過後就會粒粒分開, 用嚟炒飯另舍好味啦..
  • 紅酒飲唔晒, 唔駛搏命灌落肚或者揼咗佢.. 將啲紅酒雪成冰粒, 以後仲可以用嚟煮紅酒炆牛腩褒架..
  • 啲橙啊, 檸檬啊, 青檸啊, 如果擺喺雪櫃太耐一定巢晒皮.. 唔緊要, 將佢哋全部浸入熱水數分鐘, 等佢哋吸收水份後, 就會變返靚靚仔仔架喇..

No comments:

Post a Comment