星光幫呢十個人, 我最近先至大概知道佢哋係台灣一個選秀比賽嘅十強人馬.. 不過真正認識嘅, 就得個人氣王楊宗緯, 不時都有呢個人嘅新聞, 最終棄權推出.. 但係都未正式聽過佢哋啲歌聲, 剛剛無意中喺我哋好朋友youtube網站見到呢首星光幫大合唱嘅歌, 於是就不妨一聽啦.. 結果真係要豎起雙手拇指, 好好聽啊~~ 個個都好有實力, 搞好耐都唔知邊個打邊個, 最後上網搵歌詞, 歌詞介紹邊一個唱邊一段, 再對照吓個MV, 大概知道出線嗰幾個..
星光幫(不分先後)係: 林宥嘉[冠軍], 周定緯[亞軍], 潘裕文[季軍], 楊宗緯, 許仁杰, 盧學叡, 劉明峰, 安伯政, 謝政廷同埋唯一一個女仔李宣榕.. 個人覺得楊宗緯, 周定緯, 林宥嘉真係好唔錯..
No comments:
Post a Comment