設定貼子語言 Set language for posts :
中文
English
中英雙文 English & Chinese

18.07.2007 | 把鬼火...

今日放工後搭lift落樓嘅時候, 按個落樓掣竟然冇乜反應, 於是就轉咗個圈連按其他三個落樓掣, 但係都一樣冇反應.. 心諗你唔係家吓壞lift咁應景係嘛?? 就係呢一刻, 畀我發現喺四部lift中間貼住一張毫不起眼嘅紙, 行埋去一睇, 竟然係因為要維修大廈[唔記得乜嘢]所以需要暫停所有昇降機服務.. 至抵死就係維修時間9pm-11pm, 睇吓隻錶當時剛剛9:10pm, 真係撞到正.. 所以被逼要行樓梯落樓, 不過好彩公司喺五樓, 所以行樓梯都算不成問題.. 一路行落去, 半途遇到另一個人喘晒氣咁好努力咁行上嚟, 忽然覺得自己好幸運因而有點同情佢添..

但係覺得個management勁差, 根本都冇預先張揚, 實在應該大發通告話明今晚有維修吖嘛.. 唔發通告都唔緊要啦, 貼喺lift度張告示唔該都顯眼啲啦, 我相信食晏嗰陣我一定會見到架.. 都算啦, 咁明知冇lift搭啲人需要行樓梯, 樓梯口都唔著返晒啲燈, 攪到要喺個昏暗嘅情況之下落樓, 確實係好危險嘅嘛.. 就算唔畀人有機可乘, 自己都極有可能唔小心親啦.. 唉, 真係把鬼火都唔知講咩好呀~

No comments:

Post a Comment