設定貼子語言 Set language for posts :
中文
English
中英雙文 English & Chinese

26.09.2006 | 駛唔駛咁啊??

曾經遇著一個怪人.. 佢無論食完乜野飲完乜野, 硬係要儲埋D大大細細紙盒啊, 發泡膠盒啊, 玻璃樽啊, 塑膠樽啊, 鐵罐啊, 鋁罐啊, 膠袋啊, 包裝紙啊.. 但係又唔係亂丟果種, 又唔係自己收收埋埋喎.. 而係一堆野企企理理咁擺埋一齊係個顯眼處.. 唔知係要孤芳自賞丫, 定係要無聲咁話人知呢D係佢傑作咁..

初頭就以為佢想儲埋第時可以用黎裝野啦.. 點不知越積越多, 搞到成堆廢物惹晒塵仲原封不動咁擺係度.. 嘩, 大佬.. 我真係定唔順, 覺得好阻訂好眼冤囉, 駛唔駛咁啊?? 駛唔駛搞到自己成個垃圾佬咁啊?? 週圍都係佢D野啦.. 結果有日我真係忍無可忍, 話知你丫, 真係趁佢一個唔覺意, 哪哪聲一野將D垃圾狠狠咁全部丟晒啦.. 當堂覺得眼前一片光明啊..

2 comments:

  1. oh oh... u throw ppl's passion away.. hahahaha

    ReplyDelete
  2. but my passion is to keep the place nice and tidy maa.. hahaha!!!

    ReplyDelete