30.06.2007 | 三十
今日喺某個網站更新自己嘅會員質料, 首次見到自己嘅年齡欄上顯示30呢個數字.. 當時覺得30呢個數字好陌生噃, 因為幾乎(甚至係完全)冇「喂, 我已經係三十歲人喇」嗰種感覺, 所以今日可以話係驚覺三十而立呢一回事.. 未嚟到三十歲呢個大關之前, 確實係對佢有好多憧憬, 因為對於一個男人嚟講, 三十歲就係黃金歲月嘅起步, 應係好雄心壯志咁幹出一番光明前途.. 不過時到今日, 感覺上都冇咩唔同, 仍然係咁樣嘅一個我, 唔覺自己有乜大搞作, 都淨係安安定定咁打份牛工啫.. 我諗我最主要係應該變得更加積極進取, 唔好每日都得過且過happy go lucky咁, 要好好諗吓自己嘅現在同將來, 做人要有啲目標.. 我記得生日許咗個好白痴嘅願望, 就係心想事成.. 好冇target嘅一個願望, 就好似遇上仙人嘅時候, 要求佢畀十個願望你實現咁.. 雖然我永遠都會夢想呢一刻嘅來臨, 因為真係可以少奮鬥十年架.. 哈哈!!
Subscribe to:
Post Comments (Atom)
No comments:
Post a Comment