設定貼子語言 Set language for posts :
中文
English
中英雙文 English & Chinese

11.06.2008 | 常去地方

我每日嘅生活作息其實係好routined(即係好悶咁解, 講得好聽啲啫).. 每朝一覺瞓醒擘大眼就係去返工, 放工後如果勤力嘅話就會去gym, 如果懶嘅話一係就去商場消磨時間一係就返屋企.. 差唔多日日如是喇, 諗起都真係覺得超~悶~啊.. 可以咁講啦, 其實來來去去我都淨係去以下呢幾個地方咋囉, 唔駛十隻手指可以數得晒.. 由此可見, 我嘅活動範圍都真係好細, 閣下如果去親以下其中一個地點, 好可能都會撞到我噃.. 在此公佈我經常會去嘅地方排行榜(千其唔好笑甩牙啊)..
  1. 屋企: 一致公認, 呢個梗係壓倒性排第一位啦.. 一日至少三份一時間係留喺屋企, 遇著週末或假期就更加唔駛講, 因為齋瞓覺都有可能超過半日啦..
  2. 公司: 排喺亞軍位置嘅有益高亞太資訊科技有限公司, 其實同第一位嘅屋企可謂叮噹馬頭, 一日內應該都有10個小時係要踎喺公司渡過艱苦日子嘅.. 喺度有個妄想, 就係希望佢會跌榜囉, 哈哈!!!
  3. KLCC/ MidValley/ Pavilion: 排行第三位嘅, 唔好意思, 就係呢三間排名不分先後嘅商場.. 週末或假期, 有時係放工之後, 是但一間都係我必定所在嘅地方, 行到我已經熟晒成間商場佈局..
  4. Gym: 殿軍係呢個加州健身中心喇, 一個星期都會去三四次嘅.. 好多人都以為我成日去gym, 一定係keep得好fit, 不過通通都錯晒, 我keep得好FAT先啱呀.. -_-'''

18 comments:

  1. 有时平凡也是一种幸福。。。

    ReplyDelete
  2. 那要看什麼時候「平凡」囉, 不同情況有不同感覺.. 其實不是平凡喇, 而是納悶咧 :p

    ReplyDelete
  3. 乜厕所唔係你成日都会去嘅地方之一咩? :p

    ReplyDelete
  4. wah!!你D行踪甘容易睇,小心俾人“扑”你!!!

    跟踪你、打枪你、轮奸你、蹂躏你、糟蹋你,你个时就知道厉害!

    不过呢,如果俾D你的爱慕者睇,甘你的暗示就好明显啦,紧是要人地PLAN好,等你出现,然后交封情书俾你,你都好用心良苦啊!哈哈哈!!!

    ReplyDelete
  5. chris:
    嘩, 如果連廁所都要計埋, 咁我覺得好多地方可以計囉.. 不過我話喇, 我喺廁所嘅時間點都唔夠你喺飛機上多囉.. :p

    fookong:
    江兄, 唔好嚇我喎, 你係唔係病到癡咗啊?? 燒壞腦啊你?? 咁你都可以聯想到嘅?? 不愧為媒體創作達人啊你, 小弟對你嘅欽敬就如滔滔江水聯綿不絕囉~~

    ReplyDelete
  6. 你咒我呢?定是赞我啊??我照单全收咔!哈哈哈!我无病,只是考虑D层面多D,照顾D野多D!!

    什么媒体达人??唔明BO!总之你小心为上,好自为之啦!!

    ReplyDelete
  7. 都係咁架啦﹐唔係仲可以去得邊啫。。每日返工放工﹐食飯屙屎﹐etc 。。每日重覆又重覆﹐呢啲咪叫人生囉。。哈哈哈

    ReplyDelete
  8. fookong:
    你咁冰雪聰明, 梗係贊你啦.. 其實我應該會好安全, 無財無色無德, 唔會有人仆我嘅我諗..

    mynicole:
    大家真係同病相憐, 原來我哋嘅生活係咁平凡喎.. 不過平凡都有平凡嘅好, 安于現狀啦auntie..

    ReplyDelete
  9. 可以每天都做同一件事,去同一个地方,我们一点都不平凡!哈哈!

    ReplyDelete
  10. 哈哈, 那我甘願要平凡到很精彩的那種囉, 現在是平凡到很納悶咧~~

    ReplyDelete
  11. 大佬,为咗份工,我都冇办法架,唉! 鬼叫你穷啊顶硬上啦。

    ReplyDelete
  12. 唉, 細佬, 我哋都係窮人, 唯有頂硬上啦.. 不過我真係好羨慕你份工, 可以週游列國游山玩水..

    ReplyDelete
  13. 哦? 咁点解你当初唔join嘅?

    ReplyDelete
  14. huh?? join咩啊chris少??

    ReplyDelete
  15. 航空公司囉。。

    ReplyDelete
  16. join航空公司做咩啊??

    ReplyDelete
  17. 咁你咪可以周不时週游列國,游山玩水囉。

    ReplyDelete
  18. 我都想, 不過冇你咁嘅條件, 航空公司唔收我噃..

    ReplyDelete