設定貼子語言 Set language for posts :
中文
English
中英雙文 English & Chinese

29.05.2008 | 航空大激戰

航空條約逐漸開放, 航線壟斷局勢式微之際, 各航空公司開始感到同行嘅競爭壓力.. 最近兩間航空公司實行嚟個削價大激戰, 一個係近幾年嚟平地一聲炮, 越嚟越受消費者歡迎嘅廉價航空公司AA; 而另一個就係老樹盤根, 歷史悠久嘅龍頭大哥MH.. 呢個月MH失驚無神咁搞咗個zero airfare促銷, 擺到明就係同AA對抗啦.. 而AA都唔係好恰, 即刻嚟個sub-zero airfare還擊, (sub-zero促銷即係話佢哋嘅零票價比起MH嘅零票價更平).. 所謂蝓蚌相爭, 漁人得利, 佢哋咁嚟鬥法, 得益嘅梗係消費者啦.. 所以前日在下先有幸於呢次千載難逢嘅機會之下, 網上訂購咗九月尾去暹粒(即係柬埔寨吳哥窟所在之地)嘅MH零票價機位, 呵呵, 好期待啊..

其實諗返起以前一坐飛機郁親就要幾千蚊嘅日子, 而家居然以零票價售賣, 可想而知當時個價錢係mark up得幾咁攞命!! 我哋都係精明嘅消費者, 當然係以平為先啦, 血汗錢嚟架嘛..

忽然醒起有個喺航空公司返工嘅朋友, 佢問點公司總係中意欺壓員工?? 我話係因為搞咗個zero fare益群眾, 所以咪內部欺壓啲員工囉.. 哈哈哈哈!! 講吓笑啫, 唔好當真[特此聲明不含任何針對或貶低之意..]

16 comments:

  1. 同边个去旅行啊??点解没有预我呢??我都想跟你去旅行,因为你成日都是吃好野,同你一起去肯定唔会寂寞!

    ReplyDelete
  2. 同班朋友去囉.. 嘩, 係去柬埔寨backpack形式旅行噃, 你唔好諗住有好嘢食啊, 哈哈!! 況且, 實不相瞞啦, 雖然你見我肥肥地咁, 其實我邊有成日去食好嘢吖??

    ReplyDelete
  3. 查实呢,我是睇见你成日POST D 食物上来,引诱我地D食欲,所以,就以为你周不时食好LIAO LOH!

    BACKPACK都可以食好野,你D什么思想啊!好野唔是代表三珍海味,而是当地道地的食物也!

    至于你肥定话瘦,话时话,你D相都是离“无雷公”甘远来拍摄,我真是无知你生成点样喀!只是隐隐约约睇到有个人的物体“栋”左度。好心你啦,那么怕丑!

    ReplyDelete
  4. 唓, post食物上blog之嘛, 並唔代表係好嘢架, 之不過係我易滿足, 同大家分享我食過啲咩啫..

    唔係我怕醜, 事實我係肥仔兼醜仔一名喎, 所以自己知自己事, 就唔好show埋自己啲恐怖相嚇親人啦..

    ReplyDelete
  5. sk:
    你太谦虚啦!每个人都有自己靓的地方,就睇下你的伯乐如何发掘之嘛。

    我仲大份兼肥屎过你,我都敢将自己的猫样贴上去啦!来啦,俾张庐山全相我睇啦!

    ReplyDelete
  6. 江兄, 我係誠實唔係謙虛, 我真係冇樣嘢見得人架, 唔信問吓你好朋友Edward同ET啦, 哈哈.. 你邊有肥獅大隻啫, 亂講, 聽講你都不知幾咁青春可愛喎, 呵呵~~

    ReplyDelete
  7. 唔使“听讲”啦,睇我照相就知道我是肥叉,或是青春可爱啦,事实胜于雄辩啊!

    所以呢,你唔好叉开个话题,几时俾爱慕你文章的博客友们,见一见你的全相!唔好再用“远距离”D相啦!又唔是见唔得人。。甘娇桥扭拧咔你。。哈哈哈 !!

    ReplyDelete
  8. 你實在太謙喇江兄, 乜肥叉啫, 講到自己咁兜踎, 超搞笑啊你~~ 好勁文采啊, 肥叉, 我中意呢個形容詞喎, 哈哈!!

    唔係唔見得人, 而係唔想畀人見到嚇親人啫.. 或者我放個鄭嘉穎大頭相啦不如, 到時真係省晒鏡啦, 哈哈~~

    ReplyDelete
  9. 你以后可以称呼我为肥叉咔!事实就是事实,我阿妈俾幅肥叉样我,我就要学识去接受咯!

    正如你,不论你样貌几吓人,我都觉得你心地美丽善良。就好似我一样。

    郑嘉颖唔是我杯茶,我中意卢海鹏多D!!

    ReplyDelete
  10. 咁又唔好立亂畀人花名, 肥叉肥叉叫得鬼咁肉酸.. haha, 你覺得我心地美麗善良咩?? 何以見得啊?? 嘩, 原來你中意鵬叔架, 你個品味都幾獨特架噃.. 我中意八兩金架, 哇哈哈哈哈!!!

    ReplyDelete
  11. "肥 hai " 得唔得啊?

    ReplyDelete
  12. 哇哈哈哈哈哈哈哈哈哈~~~ 好核突啊你, 唔應該講嗰句你都講埋..

    ReplyDelete
  13. aunty我就是每逢机票大削价,就要帮阿妈"目" 机票的人,各大公司相争,我们就渔翁得利!

    ReplyDelete
  14. 我知道你永遠是個持家有道, 精打細算, 頭腦精明的大都會auntie囉, 哈哈!! 買了便宜機票給你媽媽過去澳門探女兒沒有??

    ReplyDelete
  15. 佢哋直頭斗到出嗮面咯﹐好唔大睇兼肉酸添噃。。

    ReplyDelete
  16. 唓!! 你理得佢哋?? 至緊要係我哋呢啲消費者有著數吖嘛..

    ReplyDelete