設定貼子語言 Set language for posts :
中文
English
中英雙文 English & Chinese

14.11.2007 | Missed Call

今日無啦啦有個人連續打咗好多通電話過我, 第一次因為開緊會, 所以一個missed call.. 因為唔知道係邊位, 所以冇覆返電話, 如果有重要事應該會再打過嚟嘅.. 過後風平浪靜, 於是放工後就去健身院workout, 所以冇帶手提喺身, 搞掂之後察覺又係佢嘅miss call, 今次離晒譜有7個咁多.. 最後一通終於有留言, 不過條粉腸留言又唔出聲, 粉腸你乜水啊你?? 有事揾我又唔出聲, 整個短訊都得啦係嘛?? 真係激鬼氣.. 費鬼事睬佢, 我就入去桑拿後沖涼, 搞掂之後又係佢, 今次係4個, 我頂!!! 終於忍不住, 我覆返點話畀佢.. 結果個dialling tone竟然係首印度歌, 我心知不妙, 果然接聽點話嘅係個陌生嘅聲音, 於是就問佢係邊位,揾得我咁急究竟咩事.. 結果晴天霹靂, 佢竟然話係打錯!!! $#@~&;*%{+\>-!~= 嘩, 老炳, 你係真唔係啊?? 打十幾次都仲打錯?? 運桔架你?? 對眼斗雞架你?? 無啦啦嘥埋阿叔時間同埋電話錢, 都唔緊要, 諗其條粉腸答我話打錯, 就真係好想死啊..

p/s: 有冇人知道miss call中文叫做咩啊??

4 comments:

  1. miss call係唔係叫未接来电?咁liulang!

    ReplyDelete
  2. 电影翻译"鬼来电"... 哈哈哈

    ReplyDelete
  3. i purposely change my phone language to chinese, and try to find out miss call in chinese..
    nothing to sound about - 未接电话

    ReplyDelete
  4. win·臣: 你梗係睇電影睇到傻晒, 呵呵..

    dreamer: oooh, 未接來電 huh??? thanks for the effort and information..

    慧沁: bingo, 你完全猜對, 沒有白費你在大陸那麼久的時間, 嘿嘿嘿嘿嘿!!

    ReplyDelete