上星期六晚飲左場朋友既喜酒.. 成晚夜我諗最出位最令人意想不到既就係個大妗姐上台唱歌既環節喇..
呢一個就算係我見過咁多大妗姐之中最潮爆一個喇.. 先講行頭--金毛卷髮十足玉婆 Elizabeth Taylor 髮型, 全黑tube-top打扮上身釘晒閃閃珠片,外披艷紅斗篷大衣一件.. 簡直係徐娘半老風韻逼人果挺咧.. 佢先唱左首60年代歌曲賀對新人.. 跟住就落台行埋一邊..
咁當大家都好慶幸以為佢唱完之時.. 突然間音樂響起S.H.E.既《superstar》.. 初時仲以為邊位妹妹要上台獻唱.. 誰不知.. 竟然係個大妗姐把聲, 仲好有台風咁一邊唱一邊由一二角慢慢行埋個台上, 十足明星架勢咁.. 上到台上仲跟住chorus部份搖擺身體添.. 不過高音部份始終拉不上囉..
今時今日大妗姐除左須要通曉一般習俗禮儀之外, 仲要識得搞氣氛.. 唱歌助興就成為今時今日大妗姐既必做任務喇.. 而呢一個竟然仲識得出風頭添.. 果然犀利犀利嚇..
係就係潮爆喇, but i really dun like this...
ReplyDeleteI saw one 大妗姐 even dances like she's in those "Shake Head" club, it's horrible man !
yaa, they're somehow irritating.. so don't ever let me see one in your wedding dinner later yaa.. haha!!
ReplyDelete