設定貼子語言 Set language for posts :
中文
English
中英雙文 English & Chinese

12.05.2008 | 大唔透

工作檯面上有呢幾位朋友仔陪伴住我.. 有時做嘢做到悶悶地, 就會睇吓佢哋, 跟住個人都會輕鬆啲.. 三十幾歲大男人竟然會中意埋呢啲得意嘢, 天慌夜談係嘛你覺得?? 唔係嘅, 可以保留一點點童心, 有啲大唔透, 我覺得幾好吖.. 所以可以話: a boyish man i am, 嘿嘿嘿..哪怕你已經唔記得佢哋係乜水喇, 喺度同各位逐一介紹我啲朋友仔:
[1] Taz: 唔好見佢成日擘大口展露利牙, 凶神惡殺個樣, 其實佢好可愛架!!
[2] Rubber Duckie: 永遠笑口舐舐, 好開心好enjoy嘅樣.. 係唔係好精靈呢??
[3] 米奇老鼠: 唔駛多介紹啦.. 難道你冇童真??
[4] 唐老鴨: 永遠一副傻更更嘅樣, 尤其呢個角度呢個眼神, 似係同你哀求啲咩咁, 好得意囉..
[5] Elmo: 芝麻街主角之一, 每日都會用呢隻杯食早餐飲嘢架..
[6] 呢個真係唔知乜名堂喇.. 有啲似戇豆先生隻熊仔, 不過其實係街坊版熊仔鎖匙圈一隻..

7 comments:

  1. sk 兄,
    估唔到我地都有D相似的地方, 依D叫做童心未泯.

    你是在工作桌上摆左依D得益公仔,我则是成车都是.

    有机会的话,等我车内的公仔,同你D公仔SAY hi la..:P

    ReplyDelete
  2. “得意” 嘢我就不中意啦,“大嚿” 嘢我比较喜欢!

    ReplyDelete
  3. yie?? where is the bien jui birdie?

    ReplyDelete
  4. Hi﹐認得我嗎﹐我係坐喺你哋對面嘅嗰個 Auntie 咧。。哈哈哈

    ReplyDelete
  5. fookong:
    嘩, 你成車都係公仔?? 會唔會防礙你揸車架?? 安全第一好喎, 哈哈.. 同佢哋問個好啦..

    edward:
    我知我知.. 你不嬲都中意「大件」嘢架啦, 呵呵~~

    choonsie:
    that bien jui birdie ah?? introduced already last time maa..

    mynicole:
    係啦, 咪就係對面個靚爆鏡auntie囉.. 快啲同人say hi啦..

    ReplyDelete
  6. 真是开心, 每天可以有玩具玩!工作才没有这么闷!

    ReplyDelete
  7. 係啊, 集娛樂於工作吖嘛, 如果唔係嘅話我諗我會崩潰~~

    ReplyDelete