設定貼子語言 Set language for posts :
中文
English
中英雙文 English & Chinese

27.05.2008 | 仲記得佢哋嗎??

仲記唔記得佢哋啊?? 咪就係曾經風靡一時嘅老夫子, 大蕃薯同埋秦先生佢哋囉.. 仲有老趙同陳小姐, 呢兩個分屬大配角..

其實我係一個冇乜耐性睇長篇漫畫嘅人, 尤其啲一套幾十本嘅就肯定冇耐性去睇喇, 我一定睇唔夠幾頁就唔想繼續喇.. 唯獨是短篇漫畫, 尤其係四格六格漫畫, 因為消化得快, 唔駛點樣傷神, 所以我好樂意睇.. 王澤先生筆下經典漫畫《老夫子》, 就係在下孩提時期其中一個「飛佛」喇.. 雖然人物故事夠晒娘炳, 不過都睇得頗過癮架, 因為有時真係偶有佳作(可以笑到碌地), 短短四格就可以完全表達, 實在可見功力..
記得當時一本《老夫子》大概有50頁(係唔係啊??), 全黑白印喺報紙質地嘅紙上.. 記得過後開始有彩色老夫子喇, 跟住又開始有長篇老夫子喇, 跟住又開始有老夫子電影喇.. 不過始終我都係情牽黑白老夫子, 夠晒原汁原味, 夠晒懷舊..
Rate this post:

6 comments:

  1. 哗! 彼人知道细过时曾经睇过呢d漫画,咪无意中泄漏咗自己嘅年纪,大镬!!!

    ReplyDelete
  2. chris少, 咁驚畀人知你幾歲咩?? 年齡唔係我個秘密囉, 我成日都喺個blog度同全世界人講我已經三十幾歲架啦.. hmmm, 你識得咁講, 咁我睇我哋都係年紀相若啦, 呵呵~~

    ReplyDelete
  3. 係呀係呀﹐我屋企以前都有幾本。。

    咁你冇睇過早前邵士版本嘅電影老夫子呢?? 呢套幾唔錯架﹐真人做架﹐唔係好似之前嗰套咁用 3D 。。

    ReplyDelete
  4. 係啊係啊.. 我以前細細個嘅時候[嗱嗱嗱, 注意係細細個啊吓]屋企都有買, 好開心架一見有新嘅老夫子..

    電影冇睇過喎好似, 印象中得嗰3D animation有阿張柏芝齣囉..

    ReplyDelete
  5. 哈哈。 我谂差唔远呱。。

    ReplyDelete
  6. 其實我個姪仔一見到老夫子就識得嗌老夫子喇, 佢今年得五歲.. 所以睇過老夫子嘅人唔係老人家喎~~

    ReplyDelete