設定貼子語言 Set language for posts :
中文
English
中英雙文 English & Chinese

10.05.2008 | 擾人清夢

最近如果時運低嘅話, 大概清晨六點鐘嘅時候就會畀某個「狂躁」聲音嘈醒.. 唔知幾時開始屋企附近無啦啦棟咗件清真寺出嚟, 結果依據回教教規, 每日五次勢必要高調mark盡個loudspeaker播放經文誦讀.. 其實喺呢個「宗教自由」嘅回教國家都30年啦, 我唔係唔知呢種高調播放經文游戲喎, 其實可以話係習以為常..只不過呢個主持真係好唔掂囉, 同其他比較起嚟, 我覺得係「狂躁」多過一切囉, 唔知點講, 總之就係聽後覺得好心煩..

我其實唔係針對宗教課題, 我都接受宗教自由, 呢個播放經文誦讀係其宗教活動, 我都會尊敬because you have the absolute and lawful rights to do so.. 但係今次我係對人囉, 可唔可以請過個主持嚟誦讀經文啊, 大慈大悲啦真係?? 相信喺個「互相尊重」嘅社會內, 佢都唔想日日擾人清夢架??
Rate this post:

8 comments:

  1. 你个边是边区啊??有D地方仲请埋在籍学生来诵读。。。。。其实,如果我地国家好似新加坡甘样,大家要听诵经,那自己要塞个EARPHONE同埋WALKMAN/RADIO,自己享受之余又唔会骚扰他人。依一D就是人权啦!

    至于马来西亚,就。。。。

    查实,我已经是同化左的马来西亚华人,基本上,朝早个阵,当它唱歌囖!如果,它唱得好听的话!!!

    ReplyDelete
  2. 問題係--佢唱得好難聽囉!! 好似狂躁漢喺度亂嗌咁, 聽後唔覺神聖反而覺得心煩..

    ReplyDelete
  3. 晨早劏猪周围都有啦。搵日你都早D起身大声高唱国歌咯

    ReplyDelete
  4. 我情願埋頭大睡好過囉, 一天需要8個小時睡眠嘛..

    ReplyDelete
  5. 习惯就好, 当它闹钟。对我影响不大,因为我比它早起,哈哈!

    ReplyDelete
  6. 明明就是擾人清夢啊, 怎樣可以把它當成是鬧鐘呢?? 除非換過個主持吧..

    ReplyDelete
  7. 筆嬲都係咁架啦﹐佢日日哽牙痛五次﹐不如你建議佢去睇牙醫仲好啦。。

    其實因乜解救要超大聲咁播出嚟啫?? 冇諗過附近仲有其它宗教憐居架咩。。

    ReplyDelete
  8. 咪就係佢惡晒囉!! 點啊?? 我哋做唔到啲乜嘢架噃, 搖頭嘆息啦, 唉~~

    ReplyDelete