設定貼子語言 Set language for posts :
中文
English
中英雙文 English & Chinese

03.05.2008 | 唱K+行街+睇戲+食飯

今日係友人狄波拉生日, 多謝友人「飛びたい豚」熱心安排, 於是又可以同一班頗耐冇見嘅同學仔小聚一番.. 冇乜特別精心炮製嘅節目, 都係例牌唱K+行街+睇戲+食飯, 三十幾歲人無謂再搞咁多花臣囉, 哈哈.. 喺度祝狄波拉生日快樂先..

[唱K] 去咗Neway K Lunch, 友人去到拎房時先驚覺原來K Lunch時段得嗰兩個鐘, 忽然晴天霹靂.. 加上我未能準時赴約, 結果去到時得返45分鐘又要食嘢又要唱歌, 都幾係嘢~~

[行街] 唱完K(唱完?? 我查實都未開聲囉)離睇戲仲有啲時間, 救去行吓街啦.. 第四次試著我之前好想買件褲, 今次友人都覺得好睇, 不過最後覺得都幾貴, 所以最終都係買唔成.. 結果大家去食冬甩, 今日竟然離奇地唔見誇張人龍, 所以先有幸食到..

[睇戲] 又要喺度多謝友人「飛びたい豚」一聲喇, 今日佢大發慈悲請睇戲, 真係感激不盡!! 係睇《Iron Man》, 都幾得喎齣戲.. 雖然有某些情節係誇咗啲, 不過始終係漫畫改編, 所以覺得無傷大雅, 我好enjoy噃.. 係喇, 提醒大家如果去睇嘅話, 唔好一出字幕就急急腳走人噃, 出晒字之後(係好長好長個list囉其實)仲有一分鐘戲為續集伏筆架..

[食飯] 睇完戲差唔多係晚餐時間, 行勻成個商場, 最終大家扑錘「籠的傳人」.. 叫咗小籠包, 乾煸四季豆, 上海熏魚, 擔擔麵, 失傳鎮江骨(哪哪哪, 話明失傳, 咁呢兜嘢點嚟架??), 東坡肉炒飯.. 都幾好食啦, 而且服務唔錯, 我哋食完後齋坐個幾鐘繼續傾偈, 侍應都不厭其煩不停為我哋添茶.. 最後發現出邊成棚人喺度等位, 我哋先埋單走人..
Rate this post:

10 comments:

  1. 你的生活真是多姿!睇到D食物,而家好饿啊!

    ReplyDelete
  2. donut?
    wat is 冬甩?

    ReplyDelete
  3. fookong:
    唓, 有幾多姿多彩啫?? 咪就係同朋友出嚟見吓面.. 啲食物真係咁好味咩?? 哈哈..

    sonny:
    yes.. 冬甩=donut!! bingo..

    ReplyDelete
  4. sk靓仔,
    你有所不知,有D人连找个人陪行街食饭都无.你简直是依一类人的耻辱,晒命啊你!

    ReplyDelete
  5. 我好多時候都係一個人孤零零架, 係咁啱有啲節目先寫落個blog度啫.. 其實我都係Lonely Club VIP成員之一囉, 哈哈..

    ReplyDelete
  6. 又没有那么惨啊!好啦,信你啦!mr. LONELY CLUB VIP

    ReplyDelete
  7. 見大家咁熟, 實不相瞞啦, 我真係好孤單好空虛架, 嗚嗚嗚~~

    ReplyDelete
  8. 原来 同是天涯沦落人,why dont you consider being companion for each other ?

    ReplyDelete
  9. jasin:
    companion?? hahaha.. are you kidding me??

    mynicole:
    OK啦, uncle難得同舊同學聚一聚, 豐富啲囉咪.. 不過啲嘢其實好細份咋..

    ReplyDelete