公司對面最近新開咗間gym, 咁新開張就梗係大派free day trial invitation啦.. 我哋上個星期book咗全體同事一共13人今日放工一起去free day trial, 其實當係又一次嘅get together囉, 全部人報名參加今日嘅body combat class.. 於是六點鐘準時放工, 即刻嗱嗱聲飛奔過去對面..
各位同事應該都係第一次參加呢個class, 因為我哋真係跟個導師跟到好吃力, 而且好多時候係企定定睇住個導師唔知道要做咩好.. 好搞笑囉, 哈哈!! 我其實好耐都冇上過combat class喇, 所以今日有啲生疏, 加上個music真係好麻麻地, 未能盡興囉.. anyway, 確實係出咗一身汗, 覺得有郁動到[因為uncle覺得週身酸痛啊陰公], 算係唔錯嘅..
class完畢之後, 就把握機會成間gym嘅器材都試勻佢, 唔錯囉我覺得, 都幾齊全而且至煞食係新吖嘛.. 仲有仲有, 呢間gym有wall climbing係其他地方搵唔到架, 型啊.. 不過都有啲唔係幾中意嘅: 空調唔好, 成個gym好悶熱.. 全間gym搵唔到一個鐘睇時間.. 爛巴閉用啲會轉色燈, 我覺得有啲無謂.. 浴室間隔同門全係毛玻璃好透視, 駛唔駛咁香艷啊?? 不過基本上, 呢間gym係唔錯嘅, 而且我都係free day trial, 就唔好諸多挑剔啦, 唔駛錢你仲想點啫??
我唔鐘意呀。。你讀一讀我 blog 就知道我有幾唔 like 啦。。
ReplyDelete忘記講
ReplyDelete我覺得當日一齊去大羽球開心好多囉。。
haha.. 我feel到你當時覺得個class好不知所謂囉.. 其實我都有啲微言架, 已經同我個朋友投訴喇, 佢話會改善喎..
ReplyDelete最近都比较忙，所以都有时间看你的部落格，但就是没时间回复你，乘今天还有点时间就拿拿声给你回复！
ReplyDelete经过这几天读了你的部落格之后，结论只有一个。。。。。。系时候揾番个伴了！哈
别让自己再虚度时光了！嘻嘻
多謝捧場, 多謝關心, 我會努力的!!
ReplyDelete