設定貼子語言 Set language for posts :
中文
English
中英雙文 English & Chinese

11.05.2008 | 音樂.. 饗宴

噚晚同朋友飯局, 意外地發現某某電台喺間商場舉辦10週年戶外直播.. 見到全台DJ盛裝打扮共鑲勝舉, 男嘅西裝女嘅晚裝咁, 我覺得同整個環境氣氛有啲唔係好match囉, anyway人哋為隆重其事就值得鼓勵嘅.. 咁啱我哋間餐廳就喺正個舞台側邊, 於是好就腳咁坐低一邊食嘢一邊睇show.. 其實都唔係一覽無遺嘅, 事關視線永遠畀啲棟篤企喺度唔郁嘅工作人員, 攝記, 實Q們遮擋, 不過勉強可以睇晒整個show嘅..食物方面, 其實叫咗幾味好普通嘅嘢食, 因為間餐廳真係都冇乜特別嘢揀(睇到餐牌先知係新加坡菜囉, 上咗車!!), 味道都係一般, 所以都冇乜好comments.. 加上當時就梗係專注睇show啦, OK啦, 聽到DJ熟悉把聲, 終於都畀我見晒該電台DJ廬山真面目咁囉.. DJ之外, 就梗有歌手做表演嘉賓啦, 全部都係local新人, 所以uncle真係唔識佢哋..

整晚意外驚喜其實係個壓軸嘉賓, 竟然請到由台灣遠道而來嘅吳克群(都幾好樣喎)坐鎮, 嘩嘩嘩, 呢位歌手我識佢喎.. 本來悶悶地嘅show煞時變得興奮囉, 壓軸嘉賓當然唔少嘢, 唱咗四首歌, 其中一首仲係今周電台流行榜冠軍歌添.. 哈哈, 呢個形式嘅合作, 可謂互利互惠囉我覺得..

噚晚個飯局就係咁喇, 食得好一般普通, 不過尚好有個意外電台戶外show睇, 其實咁大個人都係第一次正式睇晒一場類似活動囉, 算係意外收穫啦..
Rate this post:

7 comments:

  1. sk兄,成日睇见你吃好野.如果你有另外一半的话,一定俾你操肥啊!嘻嘻!

    ReplyDelete
  2. 有一次,我连show都还没开始就离场了,哈哈哈哈

    ReplyDelete
  3. fookong:
    江兄, 你有所不知喇, 食好嘢係一種人生享受, 民以食為天就係咁嚟架喇.. 如果我有另一伴佢未必會肥, 不過我就已經中年發福喇, 哈哈..

    chloe:
    其實我每次都會係咁意望望, 邊有咁好閑情去細心欣賞吖?? 噚日係咁啱一邊食嘢一邊睇show啫, 額外收穫啊, 嘿嘿~~

    ReplyDelete
  4. 不就是囉, 中獎又不見我那麼好彩.. :(

    ReplyDelete
  5. 嘩﹐有 free show 睇。。好嘢。。其實現場多唔多觀眾啫?? 你知啦﹐呢個電台自稱 No 1 In Malaysia﹐so﹐環境如何??

    ReplyDelete
  6. 個場其實好細囉, 最多都係百幾個人啫我諗.. 現場熱鬧/互動氣氛近乎零, 係最後壓軸嘉賓出現先至稍為有睇頭..

    ReplyDelete