設定貼子語言 Set language for posts :
中文
English
中英雙文 English & Chinese

20.05.2008 | 公干回憶錄

過去幾年, 都有機會出國公干一段時間.. 唯獨係今年已經年中喇, 都始終未踏出本土半步(偶然去吓新加坡嗰啲唔計), 突然間好懷念之前趁出國公干之余, 自己四週圍去遊覽嘅時光..

[2005 迪拜] 去迪拜嘅時候仲係替舊公司賣命, 好記得係因為同老細發爛咋(用劈炮威脅)先至有機會.. 斷斷續續一共去咗4次咁多, 每次都會逗留3個星期, 所以每次週末都會週圍去玩.. 印象最深刻嘅當然就係聞名于世嘅7星級酒店Burj Al-Arab啦, 真係巴閉到咧, 淨係得個係佢側邊影返幅相留念嘅機會囉.. 跟住就係個沙漠追蹤喇, 坐喺四輪驅動車入邊橫跨沙漠, 真係人生一大體驗噃.. hmm, 掛住嗰邊嘅烤肉同埋humus, 好好味..
[2006 印度] 一路嚟都好想去印度, 加入呢間公司大概6個月後, 就有呢個機會喇.. 記得當時有個training, 可以揀去香港或者印度, 結果我揀印度, 攪到成地眼鏡碎, 哈哈.. 5日嘅training之後, 我自己一人單槍匹馬extend多4日遊覽新德里, 阿格拉同埋齋蒲爾三個城市, 諗返起都覺得自己沙膽.. 呢次旅行真係畢生難忘, 因為印度生活同文化真係令人咋舌, 正如印度政府推廣該國旅遊業嘅口號Incredible !ndia咁, 好鬼貼切囉.. 最難忘當然係舉世聞名嘅七大奇觀之一嘅泰姬陵Taj Mahal啦, 真係唔係講笑架, 好靚好令人嘆為觀止嘅一座建築物.. 有機會去印度, 一定唔可以錯過, 錯過就表示呢個印度之旅唔完整喇!!
[2006-2007 香港] 緊貼印度之旅後, 就被公司派去香港分公司駐紮, 呢次一共逗留10個月咁耐.. 香港有乜其實都唔駛我多作介紹, 當然香港吃喝玩樂係一種享受, 不過令我更加難忘嘅當然係喺香港返工賣命嘅日子啦, 仲有一位好close嘅同事兼老友(佢今日喺門口跣親, 希望大人BB都平安啦).. 記得我當時真係完完全全融入咗香港嘅生活, 可以話已經愛上咗呢個城市, 而家仲會周不時掛住架.. 如果當初唔係決定回流大馬, 我諗我而家已經喺香港定居喇, 哈哈~~ anyway我冇後悔自己嘅決定, 能夠去到香港生活係一個好寶貴嘅人生經驗, 真係畀咗好多回憶我架..

17 comments:

  1. edward兄, 有咩咁爽啊?? 你都喺英國兩年啦, 其實你而家都係成日都出國返工啫, 哈哈!!

    ReplyDelete
  2. 如果計公干﹐我淨係去過 SG 咋。。仲好意思講出嚟。。哈哈

    ReplyDelete
  3. 喂.. 算係唔錯喇, 你join公司冇耐就有機會出國, 而且第一次出國就係去公干, 幾巴閉架喇已經..

    ReplyDelete
  4. sk兄,
    好妒忌,好鬼羡慕啊!!!!!

    过我最远,都是去巴黎伦敦咋嘛(哈哈哈,但是已经忘记左我是否曾经响依D国家渡过,因为D照片唔见晒,哎呀...)!

    好鬼羡慕你啊!我已经有3年没有出过国工作啦!!!:(

    仲影左甘多靓相,好好好羡慕啊!

    ReplyDelete
  5. 江兄, 嘩嘩嘩, 你公干去到巴黎倫敦?? 晒命啦你.. 我去巴黎倫敦都係十幾年前喺英國讀書嘅時候去過咋, 而家記憶完全模糊喇..

    你呢一行應該大把機會啦, 唔駛急實有機會嘅.. 啲相靚哦呵?? 梗係啦, 人靚啲相就自然會靚啦, 哈哈~~

    ReplyDelete
  6. 靓人???边个啊???我啊????你搞错啦,我一D都无靓,唔丑样就是真的!

    你都唔丑样啊!影D相都好靓啊!真是羡慕你,人靓又有靓景陪衬,好鬼羡慕啊!

    个一次去伦敦巴黎,只是走马看花,个时仲无觉得点样.但是依家心态唔同啦,我想故地重游,除非等到我爱他他爱我的人先来!

    我绝对没有晒命的意思,因为对个两个地方的感觉,已经好模糊了.

    ReplyDelete
  7. 哈哈, 江兄你真係口甜舌滑喇你, 贊人靚贊到出晒面咁, 人家會怕醜架嘛, 嘿嘿~~

    其實你幅榴槤相都影得幾好吖, 好得意喎.. 連我朋友ET一向好少贊人都贊你超可愛喎, 呵呵~~

    ReplyDelete
  8. 其实叻,我是在等人约我去巴黎的咯。。。haha !

    ReplyDelete
  9. SK兄:
    你唔使谦啦!你真是靓嘛!
    你个ET朋友仔是不是盲咔??我甘大件,他竟然话我超可爱???有无搞错啊????我堂堂正正男子汉离咔!!!我可爱MEH???话我成熟趣致或者仲可以接受!!

    Edward仔:
    你等人约啊???边个约你啊???我啊???我地违法咔!!唔可以,我惊"马打"拉!

    ReplyDelete
  10. fookong:
    你唔好違背良心一味話我係靚人啦, 因住天打雷劈啊你.. ET係唔係忙?? 我點知啊?? 各人有各人審美觀吖嘛, 佢話你cute咪cute囉.. 哈哈!!

    edward:
    哈哈.. 你就含蓄啲啦, 攪到人哋江兄怕晒醜咁.. 你哋有咩甜言蜜語就靜雞雞講好喇, 唔好喺度公諸於世喇.. 真係會畀「馬打」捉架, 哈哈!!

    ReplyDelete
  11. 真开心,可以去这么多地方!如果现在公司叫我出国只有一个地方在做project - Pakistan, 哇!打死我都不去!

    ReplyDelete
  12. 叫你出國公干?? 應該機會不大吧?? 你有家室有三個馬騮要照顧, 但是這個理由就已經可以回絕你老闆啦, 哈哈~~

    ReplyDelete
  13. 有点熟口熟面...
    其实以上几位bloggers都不必难过,我有位朋友有去公干的地方有菲律宾、印度同孟加拉,坎坷程度我都不敢想象。

    ReplyDelete
  14. 熟口熟面?? 難道你也到過這些地方?? 沒有聽你提過的??

    菲律賓我想還好吧, 不過印度和孟加拉就.. 不知道, 因為沒有去過..

    ReplyDelete
  15. 甜的吃;苦的也吃 mahh,仅系吃甜的; 小心钟糖尿病!

    ReplyDelete
  16. hmmm, 我什麼酸甜苦辣都吃, 應該不會有事吧?? 哈哈..

    ReplyDelete