設定貼子語言 Set language for posts :
中文
English
中英雙文 English & Chinese

28.05.2008 | 文采

最近好似同blog結下了一段感情, 除咗自己每日都會抽時間update自己個blog之外, 亦都會去閱覽其他朋友(認識或者唔認識)嘅blog.. 攪到有人質疑點解我咁得閑日日都與blog為伍, 哈哈, 係架喇, 生活單調就係咁架啦..

發現每個人都有自己嘅寫作風格, 首先講返自己啦, 我應該係屬於口語化嘅一類.. 有人話我寫嘅嘢習慣用好多語助詞, 啦喇囉架喎噃咩嘅, 因為我係個腦袋同自己講緊乜嘢, 個手就打咩字出嚟, 好raw冇修飾.. 有冇發現我一路嚟都好persistent咁用廣東話嚟寫嘢啊?? 可能就係風格, 呵呵..

朋友嘅blog.. 語言方面有啲用英文, 有啲用中文, 有啲用廣東話, 有啲用荷蘭文.. 風格方面有認真, 有搞笑, 有感性, 有開心, 有多愁善感觀.. 有者精簡兩句, 有者長篇大說.. 當中不乏令我讚嘆連連嘅寫作文采, 尤其係可以用純文字好高超咁形容當時個情景/人物/感受, 真係估唔到朋友竟然咁有文藝修養噃, 實在係跌到成地眼鏡碎, 要豎起拇指喇.. [都係不便透露係邊位, 費事尷尬]

我記得十幾年前作文科先至會有文采呢回事, 依家我係肯定做唔到喇, 唯有欣賞人哋嘅文采啦..
Rate this post:

18 comments:

  1. sk2,
    我期待你是话我,可惜啦,我说服唔到我自己囖,因为我觉得,我无meh文采同埋修养。。。。

    哈哈哈,我中学时读“屎片”,寸斤计咔!哈哈!所以呢,文采对我来讲,是这么近,那么远,唉。。。。

    其实呢,真心话,我反而中意你的广东话写法,因为,就是依一点,你令我着迷!无心睡眠!!继续努力啦,老兄!!

    ReplyDelete
  2. u r rite... reading other ppl's blog has become a habit to me now. same as u, always so envy those ppl who can write so well. when will i be as good as them?? sigh....

    ReplyDelete
  3. fookong:
    你都唔錯架, 話晒你都係從事文字行業嘅人喎, 寫得行雲流水, 不過未至於去到文藝嗰隻啦.. 其實理得佢係咩文采啦, 可以寫得出你所想所感, 然後同大家來分享, 已經足夠架喇.. 大家齊齊努力啦, 江兄!! 原來你有廣東情意結?? hehehe..

    E.T:
    well, why need to envy ppl?? everyone has their own style of writing, there is never who writes better than who, right?? as long as you can write, and share with others your stories and thots, that is enough.. come on buddy, just be yourself..

    ReplyDelete
  4. sk2,
    你错啦,我唔是从事文字行业的人啊!否则的话呢,我已经成为优秀的作家啦!哈哈哈哈!

    是啊,我是有广东话情意结啦!
    “生,为广东人,SI,为广东魂!!!”广东,好耶!

    ReplyDelete
  5. 文采?? 我唔覺得我有噃。。我都係是但救其寫咋。。

    ReplyDelete
  6. fookong747:
    嚇?? 唔係咩?? 唔好意思, 咁應該係以前份工啦, hehe.. 不過從事文字行業並不代表可以成為優秀作家噃.. 冇番三兩下散手, 你以為啦.. 你係廣東人?? 我係潮州人啊, 兄台..

    mynicole:
    auntie你啊?? 我可以講嘅係, 你咪同我一樣風格之嘛, 哈哈!!

    ReplyDelete
  7. sk2,
    其实我是不甘于现状的人,我尝试改变叙述文字的风格.你睇见我D文章,其实同我公司里头平时写D野是唔同咔.(不过,我依然唔是文字工作者!)

    皆因,我想分裂出多重性格,去剖析\解释一D事物的睇法.我觉得唔好局限自己啦,俾自己多D空间去接受一D野,去睇一D野!

    大家齐齐努力啊!将来一齐出书!!哈哈哈!

    ReplyDelete
  8. fookong881:
    hmmm, 呢方面我睇得出.. 見你喺個blog度都幾憤世恨俗, 多愁善感咁, 就知你係一個不甘於現狀嘅人啦.. 不過有時咁樣好喇, 應該be yourself, 如果唔係日子好難過架.. 多重性格分裂?? 聽落好似病症咁喎, 你冇嘢係嘛??

    我呢個blog足夠出一本書架啦已經, 睇有冇出版社肯蝕本幫我出書啫, 哈哈!!

    ReplyDelete
  9. sk584,
    唔好以为我唔留意到个D数目字,哈哈哈,我好清醒咔!

    我无愤世嫉俗啊!边有啊??? 我只是要用唔同的心情去睇野,唔好讲到我有病态甘啦,好得人惊咔!!!

    ReplyDelete
  10. fookong123:
    因為你硬係要叫我SK2, 所以我就以牙還牙, 加啲冧把喺你個名後邊囉.. 你前兩個post好似有啲病態, 所以先有此想法啫.. 不過見你迅速返嚟同我展開comment大戰之後, 覺得你應該恢復正常啦, 係嘛??

    ReplyDelete
  11. sk6969,
    我边度会同你大战呢?你是前辈,我是后辈,唔多唔小都要睇你头做人喀!

    讲到大战,近排EDWARD仔唔知真是"梅运"当头呢?没有见到他哩!

    仲有,我之前只是有少少情绪上的变化,没至于去到病态甘有问题.你睇我,几开心活泼!!

    ReplyDelete
  12. 日头不好讲人,夜晚不好讲鬼啊, 啊江!

    我是有在暗地里监视你的hor!

    ReplyDelete
  13. 撞鬼囖!无啦啦弹出来,想吓死人meh!

    ReplyDelete
  14. fookong967:
    唔好咁講, 大家都係切磋切磋啫, 唔好叫我前輩叫到老晒啦.. 係咯, 而家見你開開心心咁, 我都老來安慰.. 哇哈哈哈哈!!

    edward:
    嘩.. 真係突然間殺出個程咬金!! 你唔好啦, 嚇親阿江兄添!! 好耐冇見噃, 別來無恙吖嘛??

    ReplyDelete
  15. 是啊!有些人的blog 很好看的。可以风趣,可以严肃。文采这种东西很subjective la,写的人享受,读的人开心就很好了。毕竟我们只是业余“作家”!

    ReplyDelete
  16. 當然當然, 文采不文采其實是讀者很個人的看法啊.. 我寫blog其實是希望和人分享, 然後也供自己往後回味一番..

    其實有時你也寫得很有文采啊, 不愧是中文幹事, 哈哈..

    ReplyDelete
  17. 死咯! 我都忘记有这一回事了!我是中文干事。

    ReplyDelete
  18. 哈哈, 怎麼可以忘了呢?? 你可是我們一致【推】選出來的中文幹事咧, 而且還是最敬業樂業那個喔~~

    ReplyDelete