設定貼子語言 Set language for posts :
中文
English
中英雙文 English & Chinese

15.06.2008 | 非常之飽

今朝未瞓醒就有位朋友SMS問我今日有咩節目, 唉, 我就梗係例牌冇節目架啦.. 呢位朋友其實都好耐冇見, 平時都係偶而互發短訊問候.. 如冇記錯, 上一次同佢見面係一年前嘅事, 當時啱啱由香港回流返馬, 同佢食咗餐晏仔..

呢位朋友非常之有心啊, 知我後日生日, 所以自告奮勇話今晚請我食飯, 真係感動.. 由佢提議去Bandar Menjalara間「食之館」, 我就冇乜所謂嘅, 橫掂係人家請客, 梗係從命啦.. 間餐廳出名食蟹, 而且有成幾十種煮法.. 我哋點咗奶油蟹, 清炒薯菜苗, 邵興酒蒸蜆, 酥炸饅頭, 同埋揚州炒飯(冇影到)..

蒸蜆好香濃嘅邵興酒味道, 仲有啲薑絲同杞子, 好唔錯.. 跟住就係招牌奶油蟹, 個奶油汁非常美味, 用嚟沾啲酥炸饅頭係好滋味囉, 而且啲蟹夠新鮮啖啖肉好鮮甜.. 食到最後, 係覺得非常之飽囉, 查實我依家都仲飽緊.. 雖然呢餐唔係咩特別嘢, 但係都要真心多謝呢位朋友咁有我心, 盛意拳拳請我食飯幫我預祝生日.. 食完呢餐之後, 真係希望腰圍唔好同年齡成正比喎, 哈哈!!

5 comments:

  1. i miss fan shu miuuuuu ...... and crab too.. enjoy your break la ~~~

    ReplyDelete
  2. hey, happy birthday!!!!!!!!...(how many?)
    wish you good health and happiness!

    ReplyDelete
  3. choonsie:
    haha, i'm sure you have many things to miss laa.. CKHM, HYJ, Nasi Lemak, Curry Puff etc etc such a long list loh!! hahaha

    maxk:
    thanks anyway, but today not yet my birthday leh.. you come and wish me happy birthday tomorrow again laa.. hahaha!!!

    ReplyDelete
  4. 唔要﹐唔要﹐唔要蜆呀。。哈哈哈

    食飽飽咪好囉。。

    ReplyDelete
  5. 嚇?? 咩事啊?? 你唔中意食蜆咩?? 幾好味架喎.. 不過係真嘅食到好飽囉..

    ReplyDelete