我兩隻膝頭依家一塌瘀紅, 隱隱作痛..
前一排都有keep住上gym嘅hip-hop class, 最高記錄可以一個星期去晒四堂.. 不過最近因為換晒啲instructor(老將全部引退, 新兵逐步上任), 所以就冇再跟喇.. 今日就有一堂, 平時見呢個新兵instructor都已經覺得冇乜興趣, 可能係之前個instructor太過深得我心, 珠玉在前, 所以硬係覺得佢爭咁啲唔知咩咁嘅..
不過唔知點解喎, 今日忽然心血來潮覺得好想去跳一跳, 結果就放下成見膽粗粗行入個studio.. 因為有一段時間冇跳, 驚氣魄唔夠, 而且又係新導師, 又有啲驚拍唔住.. 開始真係有啲唔慣, 不過好快之後就覺得都OK噃, 幾好吖啲steps教得.. 最重要係我今日好叻, 完全跟得晒啲steps, 又拍得住個音樂.. 後尾轉用娜姐首新歌《四分鐘》, 節奏明顯快多半拍, 但係我都可以輕而易舉兼好流暢咁跳晒成part舞, 勁!! 唔係我要贊自己, 事實上係覺得自己真係好叻, 哈哈!! 跳完覺得成身都郁動晒, 好舒服, 好似消耗九千幾個卡路裡咁痛快..
part舞有一段係要跪喺地下跳嘅, 咁我當時著住運動短褲, 地板又硬硬淨淨, 不停咁跪上跪落, 都唔好話個膝頭冇事啊.. 尤其去盡跳嘅時候, 個momentum係攞命囉.. 所以唔好怪我第一句就同你講﹕我兩隻膝頭依家一塌瘀紅, 隱隱作痛..
老人家,都是小心点好
ReplyDelete唔係好老啫, class入邊應該都仲有人老過我嘅我諗..
ReplyDelete有心唔怕痛。。哈哈。。再去過。。
ReplyDelete唔怕唔怕, 都話咗舞仍要繼續咯.. 其實咁樣跳一個小時, 都真係好好運動架..
ReplyDelete