設定貼子語言 Set language for posts :
中文
English
中英雙文 English & Chinese

08.06.2008 | 是日彙報(三)

彙報[一]之終集
一個人戇居居咁休閒咗兩日之後, 今日總算有節目.. 約咗幾位朋友去睇戲, 睇完戲跟住去另外友人YL屋企.. 唔知點樣叫朋友屋企呢個function, 就係結婚前一晚, 男女各方喺屋企簡單設宴款待親戚朋友嗰啲party.. 齣戲都幾好睇, 娛樂性十足, 下一個entry再詳細報導.. 夜晚個function, 好明顯又係一個朋友聚餐嘅機會啦, 不過主人翁忙於招待親友, 所以無暇好好坐低傾吓偈.. anyway, 因為係禮拜日聽日又要返工, 而且又心掛掛個上網問題, 所以都係逗留片刻, 大概8點鐘就各自鬆人喇.. 唔好意思YL, 到時你擺酒嗰晚再畀足面你坐成晚, 哈哈~~

彙報[二]之終集
今朝起身第一件事就係打去tmNet客戶中心要求reset我個password.. 用咗個新password之後結果個modem好順利咁就連接上到網喇, 開心到呢.. 不過當我繼續要安裝個wireless router嘅時候, 問題就接踵而來, 明明就係上到網, 不過一用親WiFi就瓜材, 搞到我頭都大埋.. 結果成大半日裝咗有20次咁多, 都係唔成功, 最後火都嚟埋, 真係好想放棄走去買個modem router 2-in-1算數.. 最後因為約咗朋友, 所以冇時間去買.. 夜晚返到屋企, 死唔甘心, 又再嘗試從新安裝, 結果皇天不負有心人, 屢敗屢戰個幾鐘之後, 陰差陽錯咁終於畀我搞掂咗喎.. OMG, yes, finally!!! 有種失而復得, 久旱逢甘露嘅感覺, 而且慶幸冇衰衝動去嘥錢買多個modem router, 阿彌陀佛, 哈哈~~
Rate this post:

2 comments:

  1. SK, 結婚前一晚, 男女各方喺屋企簡單設宴款待親戚朋友嗰啲party 係叫做 "Bachelor Night" 过完当晚,就是有家庭的人啦!

    至于Streamyx, 我每隔数个月就会有点小问题,有时真的好鬼气杀加讨厌!

    ReplyDelete
  2. 也有想過要叫它做bachelor night, 不過想一想又好像傳統得來沒有我想像中那樣.. 印象中的bachelor night應該是在酒吧裡玩得很瘋狂那種, 哈哈..

    hmm, so far我的streamyx都還不錯, 沒有給我很多問題, 就只是那個free modem壞了後的三天..

    ReplyDelete