彙報[一]之續集
繼噚日放咗一日假之後, 今日繼續週末假期, 都係冇乜細藝, 所以又係去gym過日晨, 不過今日有個重要任務, 就係要買返部新modem.. 不過噚日比起上嚟, 今日間商場簡直係天淵之別, 啲人多到呢, 真係冇胃口想逗留多片刻.. 平時禮拜六都唔會咁多人架, 可能今日係公共假期關係啦, 所以全城啲人都踴晒去間商場度, 救命!! 其實我都有開始懷疑, 當中有某部份人應該係其他地方嚟嘅, 因為見到好多「外省look」嘅人, 好唔醒目咁成村人棟篤企喺度, 都唔知做乜?? 話是話, 唔覺自己阻街嘅咩?? 見到呢啲祖街人, 我就會好勞氣, 不過佢哋又唔係得罪我, 都唔知點解..
彙報[二]之續集
Gym完之後專登走去另外一個商場買modem, 左揀右揀+前度後度+貨比99間之後, 終於都買咗部返嚟喇.. 返到屋企, 第一時間以九秒九速度安裝個新modem, 諗住沖返個靚涼之後就可以橫行無忌咁上網.. 點知, 人算不如天算, 安裝嘅時候需要dial-up個ASDL service, 打咗六百幾個password始終都係入唔到, 到底自己個password係咩呢?? 真係考起uncle我.. 結果又係空歡喜一場, 今日又要再抵受沒有上網的日子喇.. 聽朝一定要打個電話畀customer service求救!!
如果你没有更改密码的话，倒可以试试看
ReplyDeletetmnet123, abc123 or streamyx123
很無奈的, 我換過password, 不過我很清楚記得當時自己換什麼password, 因為就是那幾個常用的, 不過怎樣都是不給我進!! 結果今天早上睡醒第一件事就是打去tmNet叫他們幫我reset password.. standard password真的是tmnet123囉, 哈哈..
ReplyDelete