設定貼子語言 Set language for posts :
中文
English
中英雙文 English & Chinese

05.06.2008 | 齊齊食粽

噚日公司又有活動新搞作喇, 其實每逢過時過節都有個題材嚟搞活動嘅, 多謝同事MY每次都咁心思細密啦, 嘿嘿.. 今次就係搞咗個端午節食粽time sharing喇, 因為五月初五端午節落喺呢個禮拜日, 所以提前噚日lunch time搞.. 誓估唔到又咁啱噚日係在下農曆年牛一添, 真係橋..

公司最近人強馬壯, 全體同事一共14位, 所以今次買咗近30隻粽實行搞番個穀粽大食會.. 幾位同事於前一晚就買咗形形色色各種唔同嘅粽, 一次過晒唥擺晒喺台面上, 係墟陷得攞命囉.. 揸住支叉呢隻食啲嗰隻食啲, 食吓食吓其實都啃咗好多落肚, 成語「積少成多」就係咁解喇.. 大家喺會議室食粽同時, 仲開埋個projector扭盡volume播DVD(套戲好似叫《老師嫁老大》), 一邊賞粽一邊睇戲, 其實我哋呢班人都好識享受啫.. 不過開開心心咁食完, 覺得胃氣漲, 即刻嘆返杯頂級鐵觀音抒緩吓, 好享受囉..

我諗起遠方有位老朋友一提起粽(尤其包眉豆嘅), 就已經不能自拔地流晒口水, 懶理任何高貴矜持.. 提醒你, 今個禮拜日係端午節啊, 記得落唐人街買返幾隻嚟過節喇.. 你睇你睇, 睇我食得幾咁滋味幾咁開心?? 哈哈..

13 comments:

  1. 咦﹐乜 uncle 你又走去沖過壺鐵觀音咩?? 我哋明明沖香片喎。。

    係呀﹐食得又開心又滿足又飽又爽。。哈哈哈

    ReplyDelete
  2. 哦?? 乜係香片嚟架?? 唔好意思, 咁係香片唔係鐵觀音啦, uncle係飲茶唔識分咩茶架.. 係啊, 食到我飽到漲啊, 唔好睇少一啖啖咁食, 其實係食得仲多架~~

    ReplyDelete
  3. :(
    i can only 'view plum quench thirst' :(
    need to 'bai gwan' this weekend and the next few days ... so how to go to TYG worr ... argggg i want to cry ... i miss FPL HYJ .. extra meidau, extra gong gu, gong yiu chu, sau yuk and har mai ... sob sob sob ...

    ReplyDelete
  4. aiyoh, go TYG buy HYJ won't use up you lots of time ga ma.. if u cannot go then ask MNG to go buy laa.. since u so miss, then you want to miss the HYJ day meh??

    ... and looot jeee!!! hahaah..

    ReplyDelete
  5. 好饿啊!好想吃啊!!!!

    粽子是我的最爱,我最高记录,一次可以吃两大粒。

    后遗症是,腻到不行啊!

    ReplyDelete
  6. 哦.. 真係?? 不過你食兩隻咁少就叫做記錄啊啊?? 咋唔咋啲啊, 江兄?? 係人都唔止食兩隻啦, 哈哈~~

    ReplyDelete
  7. 小时爱吃红豆粽,大了就觉的咸蛋猪肉粽比较好吃!

    ReplyDelete
  8. 紅豆粽太單調了, 只是甜甜的味道.. 我是比較喜歡咸肉粽喇, 還有裡面其他配料, 簡直是一絕囉~~

    ReplyDelete
  9. heehee guess what? MNG bought 3 guo jeng jong from Dong Hoi for dinner last night :)

    ReplyDelete
  10. i like nyonya one....!!!

    ReplyDelete
  11. choonsie:
    haha, then you both can have a "meaningful" 端午節 on sunday laa.. congratulations, hehe!!

    ET:
    hmmm, you like nyonya food hor?? still remember you like all those varieties of nyonya kuih leh, hehe..

    ReplyDelete
  12. well,i bought myself two small ones... i thought it would be very greasy, i mean it is made in china, but surprisingly it is not, and NO fat meat at all hahahaha

    ReplyDelete
  13. great to hear that you bought dumplings for the festive.. hahaha!! and what you described sound delicious woh.. hahaha!! oh yeah.. so how's the atmosphere there in china?? any dragon boat competition or dumpling wrapping competition?? haha..

    ReplyDelete