設定貼子語言 Set language for posts :
中文
English
中英雙文 English & Chinese

19.08.2007 | 誇... 大

今日有個舊同事牛一, 於是就約好一班熟落嘅舊同事去唱K兼食lunch.. 當係幫位舊同事慶祝生日兼聚一聚舊啦.. 禮拜五下晝就訂咗六個位, 嚟到竟然畀咗間超級大間嘅房我哋, 真係好誇張大, 我覺得閑閑地有三四百呎架, 足夠坐滿三十人都唔嫌逼.. 間房一個projector, 兩部大型平面電視, 私人廁所, 兩大套皮舒發, 四張大檯, 一個bar corner, 真係唔係講笑嘅大架.. 個個入到間房都O晒嘴, 六個老人家唱K駛唔駛咁大間啊?? 算係托壽星婆鴻福, 畀我有生之年可以體驗咁奢華嘅唱K經歷, 多謝晒啊, 哈哈..

話是話, 壽星婆其實喺四個月前就開始一直催問我幾時得閑出嚟唱K聚舊.. 真係唔意思喇, 要佢學埋學埋咁多新歌都仲要等到頸長.. 因為之前個project攪到冇日冇夜, 而且又要遷就兩個媽媽同其他人, 要夾個時間大家可以齊齊浦頭確是唔易噃.. 今日畀面壽星婆, 大家終於都誠意拳拳出席.. 其實我自己都好耐一段時間都冇唱K喇, 唱咗首《祝我生日快樂》佢聽, 雖然歌詞內容完全唔應景, 但係都係諗住取其歌名, 喺度隆重其事祝佢生日快樂啦~~
Rate this post:

4 comments:

  1. so nice! big room for karaoke :)
    i am going back end of sept, so... lets go K lah!

    ReplyDelete
  2. oh, sure!! very looking forward to it indeed!!

    ReplyDelete
  3. 唔錯喔。。lunch K 都可以囉咁大間房。。

    very worth the price leh !!!

    ReplyDelete
  4. yes arr, everybody was so shocked when entering the room.. so big it can be modified to become a one-bedroom studio laa.. hahaha!!

    ReplyDelete