10.08.2007 | 分明搶錢

今日去城中一間大型超級市場買咗兩包口垃圾嚟食, 盛惠五個六毫八於是就畀咗十蚊等找錢啦, 點知找返錢嘅時候, 個收銀話佢冇晒一仙輔幣, 所以最後淨係找返四個四畀我, 分明係屈我兩仙啦.. 雖然兩仙係非常之微不足道嘅數目, 個人嚟講唔覺意跌錢都唔止兩仙, 但係我好記得呢一次已經唔係第一次架喇.. 經常都試過去呢間超級市場買嘢, 佢都明屈明搶幾仙幾仙零錢..

其實咁嚟計落, 每一個顧客都鑑生畀佢明屈一仙, 打開門做生意一日落嚟, 何止幾千人幫襯啊? 咁咪畀佢每日白賺至少幾百蚊?? 條數點計大家心理有數啦.. 而且每樣貨品標價都係零零碎碎XX個九毫九咁, 分明就係捉住個可以白賺一仙嘅機會啦.. 我覺得簡直就係抵觸買賣條款啦, 好無良啊!! 有冇律師喺度啊?? 我好想知道, 可唔可以去消委會告間超級市場架??

越諗就越激氣, 本來都唔想指明係邊一間超級市場嘅喇, 但係唔講又唔憤氣.. 係度呼籲大家鄙視呢間位於城中最高大廈, 中文直譯為「冷藏」嘅超級市場.. 我諗下次我再遇到呢種情況嘅話咧, 一於企硬, 要求找返準確數目零錢, 咪畀佢可以乘機打劫啊!!