有個靚女同事名叫麗詩, 佢噚日向我投訴我個blog嘅顏色setting, 話黑底白字(有事又用黑底黃字)加上啲字又蟻咁細隻, 佢一睇完之後即刻覺得眼花見暈.. 見佢嗌晒救命咁我又於心何忍呢?? 於是就即刻轉顏色, 以最基本嘅白底黑字打救佢啦, 夠晒義氣啩?? 其實用咗咁耐黑底白字都未有人投訴過, 我諗梗係麗詩姐姐佢老花啦(但係又唔肯認喎).. 哈哈!!
突然之間醒起王菲1994年有一張碟叫做《胡思亂想》..當時負責設計嘅林海峰勁玩white on white, 去盡perfect minimalism.. 淨係用咗白底過光白字, 就成個design搞掂晒喇, 好慳皮而且啱晒王小姐唔中意影相嘅天性.. 我當時覺得簡直係型到爆燈嗰隻.. 所以13年後, 等我再次讓經典重現大家眼前, 寫下呢篇《無字天書》blog, 考考各位眼力, 尤其是係你啊麗詩, 哈哈哈哈..
其實都唔駛點樣傷眼力啦, 只要稍為動動腦筋做點手腳, 包保你可以好輕易咁清清楚楚睇晒成篇嘢嘅.. 咪話我黑心專登玩嘢啊, 其實我都已經手下留情加返啲contrast架喇..
22.08.2007 | 無字天書
Subscribe to:
Post Comments (Atom)
cheh ... just highlight the whole paragraph ...
ReplyDeletevery panlai lorr!!! hehehe..
ReplyDeletewell, blog colour... hmm i always like minimalism.. my dream house: a ps3, a projector, a psp, a speaker to connect the portable player, a laptop , and a wireless network connection :P damn... when will i ever have a home like that, we never know/see.
ReplyDeleteoh.. no bed to sleep?? but at least a bed in the guest room, so that i can have something to sleep on when i visit you another time.. hahaha!!
ReplyDelete