設定貼子語言 Set language for posts :
中文
English
中英雙文 English & Chinese

30.06.2008 | 一半一半

今日喺公司臨走前, 為檯上月曆揭開新嘅一頁, 六月去到今日嘅最後一日, 2008年已經過咗一半.. 一半, 呢個「一半」會帶畀你咩訊息呢?? 係一年過去咗一半, 定係一年尚存一半呢?? 我覺得九成人會即刻感覺到前者, 會回顧呢半年嚟, 自己做過乜, 得到乜.. 我就冇乜叻喇, 除咗返工放工, 偶然間同朋友行街食飯睇戲, 我諗最大成就咪就係每日一blog囉, 哈哈!! 視乎你點睇啫其實, 至少回望過去六個月, 好似都風平浪靜, 冇乜值得遺憾嘅大事, 我覺得係好事嚟嘅!! 就祈求咁樣繼續落去啦, 不過如果有其他喜興事件嘅話, 我係絕對唔介意嘅都~~

before leaving office today, i flipped a new page for the calendar on my desk.. today being the last day of the month june, indicating half of year 2008 has passed.. half, and what does this term mean to you?? half of the year has gone, or another half of the year awaiting?? to me, i supposed 90% of us shall feel the former - what have been done and what have been achieved for the past half year.. for me, nothing special, besides work and occasionally hangout out with friends, i supposed my greatest achievement is update this blog with a daily entry?? haha.. and that depends on how you view it, at least things have been smooth and nothing that i feel extremely upset for the past 6 months, which is something good!! so, i hope to just keep it up, anyway i don't mind a little joy to spice up my life though~~

29.06.2008 | 豐富一天

友人漢申(在此簡稱HS)呢個週末做孝順仔, 千里迢迢車媽媽由JB嚟到KL探親, 於是今日就約埋盡興一日.. 早上十一點搭九HS準時嚟接我, 直飛Pavilion行街, 不過兩人係傾偈多過行街, 結果個幾鐘就搞掂晒兩個商場.. 悶悶地咁於是好即興咁話去唱K, uncle好耐都冇試過咁即興喇.. 唱完K完美地消磨三個小時時間, 啱啱就夠鐘去睇戲.. 於是又微雨中趕返去戲院會合JY, 睇咗《Doomsday》呢齣戲, 唔錯啦不過就係暴力血腥咗啲咁囉.. 睇完戲又到dinner時間, 三人行去咗食日本嘢.. 呢間Ichiban Boshi, 剛開張幫襯過但係麻麻地, 今日第二次光臨果然有進步, 食物新鮮而且都煮得唔錯, 服務員又勤添茶.. 今日行街唱K睇戲食飯, 樣樣做齊, HS今趟KL之旅應該算係頗有斬獲啩?? 哈哈..
friend Hanson was being a good boy to drive his mum all the way from JB to visit relatives in KL, and hence we had a chance to meet up today.. he picked me up at 11:45am and we headed straight to Pavilion, would say we chat more than shop, and hence we were done with two malls in less than 2 hours.. having nothing much to do, we spontaneously decided to go karaoke, hmm, was a good 3-hour time there before we join JY for movie later.. watched "Doomsday", quite good despite a bit too violent and "bloody".. after movie, just the right time for dinner, we had Japanese tonight at Ichiban Boshi, the food was fresh and cooked quite deliciously, service was good also.. and so it was an eventful day, shopping+karaoke+movie+dinner, i think HS should feel worth the trip down to KL this time, haha..

28.06.2008 | 曹之我格

銀行果然冇老點我, 頭先6:30pm準時出現體育館場外, 真係有個寫住我名字嘅大信封裝住兩張門票, 仲係RM158中價飛, 算係唔錯喎.. 拎咗飛後同友人JY匆匆去麥當當求其食個晚餐, 跟住又趕返場館入場喇.. 原本八點嘅show, 最後8:25pm正式開show, 都幾準時, 入座率都有超過八成..

開三面台, 中價飛坐喺舞台左側, 但係都可以清楚睇晒整個舞台.. 舞台設計應該係配合成個演唱會Broadway嘅主題, 兩層嘅舞台有三個昇降台, 仲有延伸搖滾區嘅舞台, 同埋一個投射影像嘅大熒幕.. 延伸舞台覺得似憶蓮2002演唱會, 不過人哋嘅靚好多.. 影像投射嘅idea抄足憶蓮2007演唱會, 不過人哋係高明好多囉, 如果比人哋9分, 呢個應該得2分..

曹生以佢嘅成名曲《Superwoman》, 高高企喺舞台中央昇降台上清唱開show, 盡顯佢對自己嘅信心.. 過後數首快歌medley搞熱氣氛, 不過除咗fans之外, 現場氣氛尚係未高漲, 呢個環節有兩大敗筆: (1) 音樂聲多時蓋過曹生把聲, (2) 曹生又跳又唱是乎中氣不足.. anyway, 快歌之後跟住落嚟全部都係佢拿手慢歌, 表現得算係中規中矩, gag反面都幾自然唔會造作.. 其實我一路以嚟都覺得曹生把聲其實可以好厚實, 佢呢仲man啲嘅唱腔其實我好buy, 不過偏偏佢就中意玩高音, 無奈.. 仲有一樣嘢我不得不彈, 就係曹生把頭髮, 真係唔知佢想點?? 如果大家有留意Astro有個廣告, 佢十足似裡頭賣翻版DVD嗰位男主角囉, 該猥~~

演唱會中段, 突然出現側田呢位演唱嘉賓, 可以講係全場至大驚喜(真係側田啊, 我對眼都擘大晒).. 二人合唱兩曲之後, 曹生換衫位羅生獨霸舞台, 全場大合唱《男人KTV》, 疑有喧賓奪主嘅味道, 哈哈, 羅生睇落果然比較受歡迎噃.. 演唱會仲有另外一個嘉賓, 就係同曹生合唱《梁山伯與朱麗葉》嘅台灣歌手卓文萱, 佢可以講真係串場嘉賓囉..

演唱會氣氛唔錯, 觀眾都頗熱情, 尖叫拍掌全不吝嗇.. 唔記得曹生唱幾首歌, 不過為時兩小時嘅show, 應該唱嘅都有唱, 較為我熟悉嘅有《背叛》《單數》《兩隻戀人》《3-7-20-1》《燭光晚餐》《無辜》等等.. 不過encore得一首《世界唯一的你》, 就結束是次演唱會, 唔夠喉噃.. 整體嚟講, 呢場係曹生人生第一場個人演唱會, 係有地方要改進, 不過都OK架喇, 覺得佢係掂架, 係屬於越唱會越好嗰啲囉.. 可以畀佢70分, 冇後悔睇呢場show(雖然點講都係免費, 呵呵)..
finally collected the REAL tickets on-the-spot at the venue and was there to watch the Gary Chaw concert tonight with buddy JY.. after a quick dinner at McD, rushed back to the stadium for entrance to the show, started at 8:25pm (not too late actually).. we got the RM158 mid-priced tickets, sitting on the left of the stage but managed to see clearly.. stage was designed to match the theme of the concert, and i supposed it was "Broadway" concept.. Gary started off singing his debut hit "Superwoman" (which is quite good), continued with dance medley session (sorry, but i gotta say Gary needs more improvement on this), followed by ballads sessions (well, Gary got more stable with singing ballads)..

greatest surprise for the night was the appearance of guest Justin Lo from HK, seems like he was more popular than Gary, haha!! well, i do admit Justin is *better* than Gary in a sense, no offence to the fans anyway.. can't remember how many songs were performed throughout the show, but it was a good (or norm) 2-hour show, with only a single 1-song encore though (a bit too little i think).. generally i think this show is good, songs were nice and performance was sincere, being Gary's first concert ever, i score him 70 for this, and supposed he can do much better in the coming ones with accumulating experience.. BTW, one piece of truthful advice: please change your hairstylist!!

27.06.2008 | 我中獎呀

今朝收到銀行發來嘅SMS, 內容長話短說就係話我中獎.. 由SMS內容嚟睇, 係同歌手曹格聽日喺吉隆坡開波嘅亞洲巡迴演唱會有關.. 都有聽聞過佢呢次演唱會, 因為宣傳得都頗凶.. 知道銀行之前有個promotion, 只要喺某段時間內碌最多銀碼嘅首15位card member, 就會贏得兩張演唱會飛.. 咁啱我之前用張卡去買手提電腦, 還保險年費, 買機票等, 仲唔係你?? 哈哈.. 不過我不嬲都冇中獎運, 就咁send個SMS嚟係唔係真架??

對於呢個SMS都尚存懷疑, 於是就播個輪去銀行客戶服務中心問個究竟.. 不過呢兩日打咗三次, 每次都有唔同版本嘅回應.. 最後得知活得演唱會門票兩張, 不過開始有點質疑領獎嘅途徑, 竟然係聽日開show前喺體育館憑SMS同信用卡索票, 乜唔係一早就應該親臨信用卡中心領取嘅咩?? 我係驚到時勞師動眾去到, 拎唔到演唱會飛, 咪白行一趟點算啊?? 咁樣都幾唔secure喎, 不如我再打多次好唔好啊??

received a vague SMS from bank this morning, telling me that i'm a winner of the Gary Chaw merchandise giveaway.. it could be the promotion for his asia tour concert earlier, whereby the top 15 spenders during the promotion period wins the concert tickets.. well, i did use the card to purchase this laptop, pay my insurance annual premium, purchase air-tickets etc.. hmmm, could that be it??

without hesitation, i called the customer service center to clear doubts and to find out the authenticity of the SMS.. well, i got three different responses each time i called, but at least i know i won 2 tickets to the concert.. however, the way to collect the prize is somehow weird, i just need to present this SMS and my card tomorrow at the information counter.. i thought i would have visit the Card Center to collect the prize personally beforehand?? what i'm afraid of is when i got there tomorrow, and there is nothing for me.. that would be something frustratingly "kanasai", and i really feel not secured about this arrangement right now.. maybe i should call them up one more time??

26.06.2008 | 我好希望

  • 我希望工作順順利利, 一帆風順.. 生活開開心心, 平平安安..
  • 我希望放假.. 感覺上好似好耐都冇放假去玩喇..
  • 我希望去日本, 去西藏, 去九寨溝, 去紐西蘭, 去南非, 去馬爾代夫.. 好多地方都想去..
  • 我希望有番一間自己嘅屋, 到時可以有自己嘅一個小天地.. 可以以招呼朋友嚟食我(試)整嘅餅, 呵呵~~
  • 我希望消滅腰間贅肉, 因為實在係睇唔順眼.. 不過談何容易??
  • 我希望身高可以再多三吋, 一路以嚟都有點遺憾嘅事.. 不過除非奇跡出現??
  • 我希望有機會可以玩笨豬跳, 玩跳樓機, 玩降落傘, 玩深海潛水之類需要超膽量嘅運動..
  • 我希望我的所有希望都能夠成真, 哇哈哈哈哈!!!
  • i wish to have a smooth and bright career.. happy and pleasant life..
  • i wish to have a vacation.. need a break as i have not been for a vacation for a long time since the last one..
  • i wish to go japan, tibet, jiu zhai gou, new zealand, south africa, maldives.. and a lot more places
  • i wish to have my own house, and hence my own little world.. i can then invite friends to come taste the cakes i (test) baked, hehe~~
  • i wish to get rid of the flabby love-handles, because it really irritates my eyesight.. but is that so easy??
  • i wish to grow by another 3 inches tall, this has always been something i dreamt for.. but is there a miracle to help me with that??
  • i wish to have a chance to go for bunjee jumping, free falling, parachuting, deep sea diving etc of adrenaline-pumping activities..
  • i wish all that i wished for will come true, *giggle*

25.06.2008 | 難拒誘惑

今日放工如常去gym, 通常gym完之後就拖住飢餓嘅身軀, 直接返屋企等待享用住家晚餐.. 如常乘搭輕鐵返屋企, 途中一站上落乘客之後, 開始隱約聞到陣陣誘人嘅KFC香味.. 你老闆吖, 我已經好餓架喇, 唔知邊位仁兄咁大整蠱, 喺呢個時候竟拎住KFC外賣, 仲要同埋我一個車廂.. 當時頗多乘客, 我係咁跟住陣味想要搵出元凶, 不過始終未能發現係邊個.. 我係一個KFC迷(雖然未去到超級嗰個level), 此時此景, 竟然用此等誘惑嚟「騷擾」我, 你知否這是何等殘忍的對待嗎?? 我諗聽日lunch可能會食KFC, 雖然成日都口口聲聲話減要緊肥, 哈哈!!

went to gym as usual after work just now.. normally will be dragging my starving body home after the workout, looking forward to savour my parent's homecook dinner.. as usual took the train home, and after alighting and boarding passengers at one of the enroute stop, i started to realise some holy KFC smell from within the train.. d*mn it, i was starving myself then, and yet the god-know-who was having his KFC take-away home, and more irritatingly in the same coach as me!! i was trying to eye that god-know-who by following the holy smell, but was quite packed in the train and hence mission unsuccessful.. i admit i am quite a KFC fan (though not to that super level), so under such circumstances and i was being "molest" by such a temptation - can you imagine how cruel it was to me?? i reckon i shall be having KFC for lunch tomorrow, albeit perpetually shouting that myself on diet, hahaha!!!

24.06.2008 | 三項活動

[壹one] 今日放工約埋成班同時去打保齡球兼晚餐, 算係一個月一次嘅outing啦.. 一共分三隊每隊四人作比賽, 成九千幾年冇碌過齡, 第一個game得96分, 第二個game仲衰得85分, 真係醜死人!! 不過好彩, 其他三位隊友都唔弱, 結果同隔離隊旗鼓相當, 結算總分後, 我隊以總分705大熱姿態勝出!!! 贏咗隊有獎品, 係同事林太精心挑選嘅PC arm rest, 啱晒我哋用啦.. 好似每次玩游戲我都好幸運有獎拎, 如果換著買彩票有咁嘅運就好啦, 呵呵!!

went bowling and dinner with colleagues after work, as our monthly get-together event.. split into 3 teams each with 4 person to compete, having not played bowling for N-years, scored extremely lousy results (96, 85 for two games respectively).. anyway, saved by other teammembers, our team finally won the other two, and each of us got a little prize - PC arm rest heartfully selected by colleague Mrs Lim, and i'm using it now for work here, hehe.. i'm always blissed with the luck for small little prizes, wonder how nice it would be if that's lottery-winning luck, hahaha!!
[貳two]保齡球後就緊接晚餐, 去咗Tony Roma's美式餐廳(係啊, 我又去TR喇).. 我哋一圍17人竟然被安排坐喺門口當眼處, 覺得好搞笑囉其實.. 叫咗成檯嘢, 而且份量超大, 食到個個眼碌碌口擘擘.. 我今次唔再叫pasta, 想試吓其他嘢, 叫咗Grilled Chicken Sandwich with Bacon and Swiss Cheese in Toasted Ciabatta, 好唔錯, 不過好飽, 食淨半邊麵包.. 不過我覺得啲蘿蔔同西芹點啲dipping sauce最滋味, 仲食埋隔離同事啲添, 唔好意思, 哈哈~~

headed to Tony Roma's straight after the bowling (yes, it's TR again for me), a total of 17 of us were arranged to sit near the entrance, kind of funny though.. ordered lots of food, and because of the generous portion, everyone finished their own dish with popping eyes and wide-opened mouth, haha!! uhuh, no more pasta but went for Grilled Chicken Sandwich with Bacon and Swiss Cheese in Toasted Ciabatta this time, quite delicious to me, but the portion was too big, could not finished and left half of the bread.. but i think i enjoyed the carrot and celery stick with dipping sauce the most, finished almost all of them (and stealing from others too), hahaha!!
[叁three] 唔好以為食完嘢就結束喇, 公司好例牌都會幫同月啲壽星慶祝生日架.. 今次有係不例外搞surprise啦, 六月就有KS, KL, NG同埋我自己喇.. 除咗同事買嘅生日蛋糕(見唔見我個名SK喺度啊??), 間餐廳都有沒人送上birthday brownies一份同埋賀卡一張, 而且會叫幾個staff幫忙搞氣氛, 都真係服務週到囉.. 仲要壽星用飲管距離蛋糕六呎地方吹蠟燭, 好獎門人喎, 好彩uncle總算仲有力氣.. 今年生日終於有蠟燭吹, 有蛋糕食, 有生日歌聽喇, 多謝晒咁多位!! 都順便同其他同月生日嘅同事講聲生日快樂啦..

dinner's not the end, we still have birthday celebration for those whose birthday falls in june (that's the practice of our company though).. for june we have KS, KL, MY and myself (see my name SK on the cake??).. besides the cake from company, the restaurant also have each of us a birthday brownie and a birthday card on their house, also get a few staffs to join in the session, how thoughtful!! we were asked to blow the candles from 6ft away with the help of a drinking straw, luckily i was still capable of doing it, haha!! finally, i have candles to blow, cake to eat and birthday song to listen to for my birthday this year, thanks folks!! and at the same time, happy birthday to the others whose birthday falls in the same month as mine..

23.06.2008 | 糾纏滋味

一味食食食之余, 今日為大家介紹呢張專輯.. 加拿大搖滾女王Alanis Morissette剛剛推出嘅呢張2008全新大碟《Flavors of Entanglement》..

其實由佢嗰張贏盡銷量口碑獎項嘅《Jagged Little Pills》開始留意同埋中意佢嘅音樂, 係嗰種好憤怒勢死要報服嘅心態(如果你聽過"You Oughta Know"應該知我講緊乜嘢).. 嚟到呢張大碟, 雖然係收斂咗好多好多, 但係都仍然係抱住嗰種「我失戀你唔夠我痛苦」嘅情懷, 歌詞首首寫得針拮肉..

今次起用新製作人Guys Sigsworth(同Madonna, Bjork合作過), 果然有火花, 比起上一張瀕臨瓶頸嘅《So Called Chaos》, 呢張算係頗精彩, 有種氣勢回歸嘅感覺.. 新碟多咗啲AM一路以嚟冇嘅音樂元素(techno, loop, electro等), 融入AM一貫風格, 卻又出奇漂亮.. 當然專輯裡頭都有保留AM一貫嘅抒情搖滾, 其中《Not As We》喺簡單鋼琴伴奏之下萎萎唱出"from scratch begin again, but this time i as i and not as we", 簡直係嵌入心坎, 一聽就中意.. 其他推薦包括《Citizen of The Planet》《Straitjacket》《Torch》..


have been a follower for Alanis Morissette's music since her multi-platinum award-winning album "Jagged Little Pill".. and here comes her new studio album "Flavors of Entanglement" since 2004, though not as furious and angry (you'll know what i meant if you've ever heard the revengeful "You Oughta Know"), still her lyrics are always no-one-hurt-more-deeply-as-i-did.. AM collaborated with new producer Guys Sigsworth (Madonna, Bjork), somehow gave sparks to this new album, as compared to her boring previous album "So Called Chaos", new elements have been introduced into her music (eg: techno, loop, electro), but blended well into her signature style.. of course, her soft-rock ballad are still kept in this album, with the barely piano arrangment she sings "from scratch begin again, but this time i as i and not as we" so heartfeltly in the song "Not As We" - yeah, she might have lose Ryan Reynolds to Scarlett Johansson, but she certainly wins lots of hearts with this beautiful song, i just love it.. amongst other songs i fancy are "Citizens of The Planet" , "Straitjacket" and "Torch"..

22.06.2008 | 週日閑情

今日算係過得幾悠閑, 瞓到十點幾起身, 燙完下星期要著嘅返工衫之後就出發去gym.. 今日約咗個朋友JY督促我, 所以算係操得比較有效率, 因為太耐冇認真workout所以今日覺得有啲攰添, 不過係好事嚟嘅.. gym完之後就去tea嘆吓下午茶, 之後就喺個商場入邊逛, 大概逛完整座商場之後就去dinner.. 韓國嘢, 叫咗個石頭飯, 不過不失囉, 但係比起上星期食嗰間Seoul Korea就梗係爭幾條街咁遠啦.. 食完晚餐時候尚早, 於是就去咗剛才發現間稍為靜局嘅星巴克, 叫咗杯嘢飲, 坐喺張梳發上, 邊飲嘢邊欣賞窗外雨中夜景.. 好relax嘅一個星期日, 不過依家一諗起聽日又係星期一, 就霎時覺得好納悶喇.. 嗯~~
was quite a relaxing sunday today, woke up around 10am, did ironing and then headed straight to the gym.. had a buddy JY to motivate me, so i shall call the workout today more effective, have not been seriously working out for some time, feel a bit tired, but i think it's a good sign.. went afternoon tea after gym to get something light to bite, and then shop in the mall.. almost been to every corner of the mall and it was time for dinner.. had korean tonight, ordered a "dol sot bee bim bap" (rice served in hot-grilled stone bowl), not bad but of course not as good as the one at Seoul Korea last week.. was kind of early after dinner, so decided to go to a quiet Starbucks inside a bookshop, ordered drinks and enjoying the night scene in the rain from the window, was feeling cosy on the sofa with the drinks and the view.. a very nice sunday, but now i realised it's monday again tomorrow, kind of getting blue instead.. hmmm~~

21.06.2008 | 綠色巨人


又係禮拜六, 呢個禮拜六又係同朋友睇戲食飯過喇.. 先講套戲《Incredible Hulk》, 都幾好睇噃, 不過係間戲院凍得濟啫.. 其實故事係一般可以預料到嘅情節, 不過啲打斗同埋爆炸場面確係老實唔客氣囉, 我就最中意睇呢啲激鬥場面架喇, 絕無冷場好過癮..

荷里活電影最興臨尾為續集鋪路(懶理反應好唔好, 一於鋪定後路先), 已經見怪不怪.. 不過呢次的確真真正正令我感興趣, 點解?? 因為最後竟然出現《Ironman》個Tony Starck, 同個General話合作喎.. 唔通下一集Hulk同Ironman會同時出現?? 又或者二合為一變成天下無敵大唔死嘅Ironhulk啊?? 嘩嘩嘩, 真係令人熱切期待喎..

睇完戲係啱啱食晚飯嘅時間, 突然間想食western food, 經過Tony Roma's所以就好隨意咁不作他選.. 因為宗教問題, 所以大馬TR係冇豬肉食架, 如果唔係我一定會叫Roast Pork Rib嚟食囉.. 所以叫咗份好簡單不過嘅雞肉bowtie pasta, 友人JY就叫咗份炸雞扒三文治, 兩人再叫餐湯同埋個明蝦沙律.. 都唔錯啦啲嘢食, 就係太過大份, 食完真係飽到趴喺度郁唔到, 下次可以考慮二人share一份, 哈哈..

今日雖然係幾例牌不過都叫做好過冇節目啦, 其實今日係幾開心嘅, 因為有齣好戲睇, 有餐好飯局食, 兼且有個傾得埋嘅朋友陪咗我差唔多成日, 嘿嘿, 夫乎何求呢??

it's saturday again, went for a movie and had dinner with friend JY.. watched "Incredible Hulk", quite a nice movie, never expect a masterpiece though - predictable storyline, but i would say the fighting and explosive scenes were quite entertaining, or maybe i like violence?? hahaha.. love the ending when Ironman's Tony Starck appeared to talk about collaborations with the General, i got super excited about this as it really gives room for imagination.. will there be Hulk and Ironman appearing together in the next sequel, or will we have the invinsible 2-in-1 "Ironhulk" then?? really something worth looking forward to..

went Tony Roma's for dinner right after movie, just had a simple chicken bowtie pasta, while JY had buffalo sandwich, ordered soup of the day and "kick shrimp" salad too.. the food was generally tasty, but it's a waste we do not have pork ribs here in malaysia due to religious issue, else i should be having that just now..

a nice and cosy saturday indeed..

20.06.2008 | 清茶淡飯

左至右, 上至下依序為: 茶(廢話, 不過我唔知點咗咩茶), 松子玉米鮮百合, 苦瓜煎蛋, 荔枝紅茶雞, 勝瓜豆腐, 凍頂胚芽魚片, 茶葉蛋(送嘅), 宮保鮑魚菇(覺得呢個最好食), 甜品杏仁豆腐紅茶.. 全部都有茶嘅元素喺入邊架.. all the above dishes are cooked using tea leaves舊同事老袁突然間心血來潮, 約埋我哋一班昔日戰友一齊食晏.. 嘩, 都真係好耐冇見佢囉, 記得啱啱轉呢份工嘅時候同佢lunch過一次之後, 就係兩年幾之後嘅今日..

一行六人(包括四美SG, SP, ST, BN)去咗中華大會堂附近間「紫藤茶原」飯局, 呢間餐廳啲嘢食特別之處在於全部都係用茶葉烹煮嘅, 可以講係茶道料理.. 因為用茶葉烹煮, 所以大部份餸都算係清淡, 不過可能迎合大眾口味, 同上一次幫襯比較起嚟, 似乎多咗幾寬口味較重嘅餸..

大家咁耐冇見, 自然好多嘢傾, 不外是傾吓近況呀工作呀家庭呀, 當然仲有其他舊同事去向, 發現大家其實都做得唔錯, 係好事嚟嘅.. 希望大家以後都順順利利, 事業有成啦.. 大概兩個小時飯局, 其實都仲有排傾, 不過在下要趕去見客, 所以唯有散band, 結果老袁自動賣單請食, 臨走前仲不忘送上遲來的生日祝賀, 真係有心囉, 多謝佢呢一餐先!!

lunch at "Purple Cane Tea Garden" with ex-colleagues (Wang, SG, SP, ST and BN) this afternoon.. the restaurant serves dishes cooked with different types of tea leaves, kind of special and taste fresh.. had a great time chatting about work and life after a long time not meeting up.. was treated for the lunch by Wang, and ended up with a belated birthday wish too!! thanks for that folks, it was an enjoyable lunch and hope we can do it again more often in the future..

19.06.2008 | 語言選擇

我呢個blog一路以來都係用廣東話去寫.. 最近有個朋友話我知, 佢都不時有睇我個blog架, 不過我知佢係唔識睇中文噃, 咁就好奇佢睇啲咩啊究竟?? 結果佢話, 睇圖片囉.. 諗諗吓, 廣東話始終都唔係大路語言, 就算身邊識睇中文嘅朋友, 都曾經話我知開始係有啲難度, 好多字唔明, 不過睇得多就習慣, 可以慢慢咁理解其意..

有時我又自己喺度諗, 既然開始有咁多朋友留意自己個blog, 咁我係唔係應該用英文寫呢?? 用英文寫話晒都係國際語言, 啲朋友實會睇得明啦.. 不過又覺得用英文寫好似爭咁啲親切感.. 又或者至少都用返正統中文嚟寫呢?? 但係正統中文同廣東話都唔係差好遠, 習慣咗就識架啦..

不如問吓大家意見吖..
[粵] 大家其實中意我用咩話嚟寫呢個blog啊??
[京] 大家喜歡我用什麼語言來編寫這部落格呢??
[GB] What language would you like to see in this blog??

18.06.2008 | 多謝多謝

噚日生日冇大事慶祝, 冇生日歌聽, 冇蠟燭吹, 冇蛋糕切, 冇禮物收, 冇許生日願望(頂!! 我竟然冇做到呢件事添!!).. 係過得好平常嘅一日咁樣, 如果唔係朋友們有心SMS我, 我都唔覺係自己生日.. 前一晚漏夜post咗個生日entry, 我諗好多朋友都係睇咗blog之後先醒起係我生日, 哈哈, 唔緊要, 最緊要係有心啫.. 漏夜趕起總算冇白費心機, 呵呵..
  • 多謝SMS賀我生日嘅朋友(in chronological order), 我已將所有短訊儲存落嚟: jessica, 阿年, kelvin, 小春, pek, nelson, sanney, eric, 敏儀, 靜敏, kean hui, 靜怡, yu chyang, khong loon, 惠娜, 宣揚, hanson..
  • 多謝喺我個blog度留言祝福嘅朋友, 我已一一回應喇: chris少, 小春, eric, 阿龍, 敏儀, 曉慧, 慧沁.. 仲有當然少不了連番祝賀嘅maxk..
  • 多謝用MSN祝我生日快樂嘅朋友, 你哋都好眼利見到我個「蛋糕仔」message: ethan, fookong, chris少, daniel..
  • 多謝send email祝賀我嘅朋友, 對唔住, 噚日放緊假未有時間回覆答謝: 靜敏, kean hui, 靜怡, 德汶..
  • 多謝費心思send我生日e-card嘅朋友, 好得意喎: ethan, 由aiko領軍嘅香港同事..
  • 多謝打電話同我講生日快樂嘅朋友, 好感動啊: eric, see tian..
  • 多謝通過面卜(Facebook)祝我生日快樂嘅朋友, 唔好意思, 其實我九千幾年都唔入面卜一次, 嘿嘿: 佩瑩, 文豪, yee wee..
  • 多謝破費請我食飯賀壽嘅朋友, 我食得超飽但係非常之開心: kevin@食之館, kelvin@sakae shushi..
誠心誠意多謝大家, 讓我呢個生日平凡中帶點不平凡..

17.06.2008 | 生日快樂

之前有幾篇都有提到生日, 搞到有啲朋友以為我當日生日添, 其實唔係, 等我澄清, 亦都順便宣佈.. 各位朋友, 今日係6月17號, 係在下生日啊, 大家見我個blog叫[SK/0617]都應該估到啲啦係嘛?? 係, 都唔介意話畀大家知, 今日開始在下正正式式31歲喇..
首先喺度自己祝自己生日快樂先, 希望願望成真, 噚日寫咗嗰啲「我沒有」通通變成「我都有」啊, 嘿嘿~~

16.06.2008 | 我都沒有

我沒有英俊瀟灑的外表.. 我沒有人見人愛的樣子.. 我沒有挺拔的身高.. 我沒有讓人覺得有品味的氣質.. 我沒有健碩強壯的身材.. 我沒有積極進取的魄力.. 我沒有讓人信服的領導能力.. 我沒有一份高收入的工作.. 我沒有一個精彩的生活方式.. 我沒有一間屬於自己的房子.. 我沒有一輛帶我東奔西跑的車子.. 我沒有桃花運.. 我沒有愛情運.. 我沒有橫財運.. 我沒有無時無刻都能混在一起的朋友.. 我沒有兩情相悅的另一伴.. 我沒有鐵石心腸的心態.. 我沒有主動認識人的習慣.. 我沒有勇於表達情緒的舉動.. 我沒有讓人覺得平易近人的形像.. 我沒有善於表達自己的言辭.. 我沒有要自己名成利就的目標.. 我沒有活潑開朗的性格.. 我沒有可以炫耀的名牌服飾.. 我沒有炯炯有神的雙眼.. 我沒有可以依靠的肩膀.. 我沒有一個填補空虛的人.. 我沒有堅決的意志.. 我沒有能言善道的口才.. 我沒有一把悅耳的嗓音.. 我沒有持久的耐性.. 我沒有思前想後的思維.. 我沒有慈悲為懷的心腸.. 我沒有挑通眼眉的觀察能力.. 我沒有坐擁百萬的身家.. 我沒有愛情的滋潤.. 我沒有多姿多彩的人生經歷.. 我沒有明辨是非的頭腦.. 我沒有財經投資的知識.. 我沒有隱瞞人而讓人受傷害的勇氣.. 我沒有大男人主意.. 我沒有濃密的眉毛.. 我沒有熟練的駕駛技術.. 我沒有人愛.. 我沒有不停享受孤單的心情.. 我沒有廣闊的社交圈子.. 我沒有, 我沒有, 沒有..

那, 我有的, 又是什麼??

15.06.2008 | 非常之飽

今朝未瞓醒就有位朋友SMS問我今日有咩節目, 唉, 我就梗係例牌冇節目架啦.. 呢位朋友其實都好耐冇見, 平時都係偶而互發短訊問候.. 如冇記錯, 上一次同佢見面係一年前嘅事, 當時啱啱由香港回流返馬, 同佢食咗餐晏仔..

呢位朋友非常之有心啊, 知我後日生日, 所以自告奮勇話今晚請我食飯, 真係感動.. 由佢提議去Bandar Menjalara間「食之館」, 我就冇乜所謂嘅, 橫掂係人家請客, 梗係從命啦.. 間餐廳出名食蟹, 而且有成幾十種煮法.. 我哋點咗奶油蟹, 清炒薯菜苗, 邵興酒蒸蜆, 酥炸饅頭, 同埋揚州炒飯(冇影到)..

蒸蜆好香濃嘅邵興酒味道, 仲有啲薑絲同杞子, 好唔錯.. 跟住就係招牌奶油蟹, 個奶油汁非常美味, 用嚟沾啲酥炸饅頭係好滋味囉, 而且啲蟹夠新鮮啖啖肉好鮮甜.. 食到最後, 係覺得非常之飽囉, 查實我依家都仲飽緊.. 雖然呢餐唔係咩特別嘢, 但係都要真心多謝呢位朋友咁有我心, 盛意拳拳請我食飯幫我預祝生日.. 食完呢餐之後, 真係希望腰圍唔好同年齡成正比喎, 哈哈!!

14.06.2008 | 夢夢之說

我應該係屬於一個好少發夢嘅人[注: 係指瞓覺時發嘅夢, 如果係話平時發嗰啲希望呢樣希望嗰樣嘅白日夢, 就不盡其數喇].. 印象中所經歷嘅夢境包括以下呢幾種..
  • 一覺醒來就已經忘記得一乾二淨嘅夢.. 所以唔覺有發過夢, 我覺得我有八成以上嘅夢係屬於呢一類, 哈哈!!
  • 見到未來生活畫面嘅夢.. 唔係咩預知未來超能力, 而係某些夢裡flash過嘅情景會好巧合咁幾日後發生喺現實生活上..
  • 日有所思夜有所夢嘅夢.. 我覺得尤其係工作壓力同埋囉囉攣未做晒嘅嘢, 去到夢境嘅次數會大啲.. 其他事就好似冇乜印象..
  • 全程參與嘅夢.. 譬如話夢見自己由某高處跌落地, 會自動感覺到身體往下沉, 跟住就眨醒..
  • 其他.. 甜夢, 冇印象.. 噩夢, 冇印象.. 夢係得咁少, 真係諗唔到噃..
記得以前會周不時中意唔中意都會發番場夢, 不過近幾年嚟已經冇乜夢發囉.. 可能係自從join咗gym之後有固定運動量?? 又或者係保持心境開朗, 睡眠質素跟住轉好?? 又或者自己其實真係隻豬嚟架?? 後者可能性最大, 哈哈!!

其實可以冇夢發, 一覺瞓到天光係件唔係見好事呢?? 應該係, 因為發噩夢會心神恍惚, 發美夢醒後卻德一場空.. 記得有位朋友話成日發夢, 搞到佢每朝醒來都覺得身心疲倦, 我諗佢應該好羨慕我啩?? 死喇, 畀佢見到呢個entry, 實又話我喺度晒命添架.. 所以選擇週末寫呢個entry, 因為我知佢應該冇機會睇到, 嘿嘿嘿~~

13.06.2008 | 再戰高麗

噚日同事DV突然間興起, 踏正六點放工就摟大家去食韓國餐, 雖然唔係一呼百應, 不過最後都湊到四人同行.. 上幾個月第一次去, 結果驚嘆連連, 仿似只應天上有咁.. 噚日一拍即合, 應該係食過返尋味, 好想再去試吓一啖食落去嗰種「慾仙慾死」嘅完美感覺, 哈哈!! 今次再戰高麗, 點咗個豬肉手卷拼盤同埋燒烤香辣雞(唔知叫乜, 因為都係睇住餐牌手指指).. 嚟呢間餐廳最開心嘅事, 就係畀你成檯嘅小菜, 加埋應該有十幾款, 可見十足誠意.. 老闆娘每次都非常好客, 上次送咗碟韓式炒粉絲, 今次就送韓式南瓜煎餅, 好好味啊!! 不過大家唔好誤會有咁大隻蛤乸隨街跳噃, 係因為同事DV識得老闆娘, 先有freebie咋, 呵呵!! 埋單一共RM75(老闆娘今次又唔肯收服務費喇), 咁嘅價錢, 第啲地方應該食唔到喇.. 再次光臨仍然覺得好滿意, 喺度誠意介紹呢間韓國餐廳畀大家..

[餐廳] Restaurant Seoul Korea [地址]1-1, 1st Floor, Plaza Danau 2, Jalan 4/109F, Taman Danau Desa, 58100 Kuala Lumpur [電話] 03-7982 4607 [相關舊貼] read my older post

12.06.2008 | 快速回水

上個星期收到稅務局張支票, 有啲驚訝於該局嘅辦事效率.. 印象中, 一路以來每個月嘅自動繳稅都會畀多佢, 但係每一年積埋積埋都從來未見佢回水.. 因為之前幫該局做過一單project, 所以都識得啲人, 探到風聲話今年開始佢哋會有好多程序上嘅改進, 特別係退稅呢家嘢, 個turn-around time由不設限期到而家嘅一個月之內.. 可能係畀人講得多, 收稅就鬼打咁猛, 回水就群龍不見首..
早前last minute網上報完稅之後, 真係一個月內就收到呢張回水支票喎.. 真係令人激賞啊, 果然係講到做到, 比著以前要等到99都收唔到啦.. 自動繳稅一共畀多咗二百幾蚊, 依家張票早就已經入咗啦梗係.. 忽然富貴二百蚊, 可以買生日禮物畀自己噃, 哈哈~~

11.06.2008 | 常去地方

我每日嘅生活作息其實係好routined(即係好悶咁解, 講得好聽啲啫).. 每朝一覺瞓醒擘大眼就係去返工, 放工後如果勤力嘅話就會去gym, 如果懶嘅話一係就去商場消磨時間一係就返屋企.. 差唔多日日如是喇, 諗起都真係覺得超~悶~啊.. 可以咁講啦, 其實來來去去我都淨係去以下呢幾個地方咋囉, 唔駛十隻手指可以數得晒.. 由此可見, 我嘅活動範圍都真係好細, 閣下如果去親以下其中一個地點, 好可能都會撞到我噃.. 在此公佈我經常會去嘅地方排行榜(千其唔好笑甩牙啊)..
  1. 屋企: 一致公認, 呢個梗係壓倒性排第一位啦.. 一日至少三份一時間係留喺屋企, 遇著週末或假期就更加唔駛講, 因為齋瞓覺都有可能超過半日啦..
  2. 公司: 排喺亞軍位置嘅有益高亞太資訊科技有限公司, 其實同第一位嘅屋企可謂叮噹馬頭, 一日內應該都有10個小時係要踎喺公司渡過艱苦日子嘅.. 喺度有個妄想, 就係希望佢會跌榜囉, 哈哈!!!
  3. KLCC/ MidValley/ Pavilion: 排行第三位嘅, 唔好意思, 就係呢三間排名不分先後嘅商場.. 週末或假期, 有時係放工之後, 是但一間都係我必定所在嘅地方, 行到我已經熟晒成間商場佈局..
  4. Gym: 殿軍係呢個加州健身中心喇, 一個星期都會去三四次嘅.. 好多人都以為我成日去gym, 一定係keep得好fit, 不過通通都錯晒, 我keep得好FAT先啱呀.. -_-'''

10.06.2008 | 繼續跳舞

我兩隻膝頭依家一塌瘀紅, 隱隱作痛..

前一排都有keep住上gym嘅hip-hop class, 最高記錄可以一個星期去晒四堂.. 不過最近因為換晒啲instructor(老將全部引退, 新兵逐步上任), 所以就冇再跟喇.. 今日就有一堂, 平時見呢個新兵instructor都已經覺得冇乜興趣, 可能係之前個instructor太過深得我心, 珠玉在前, 所以硬係覺得佢爭咁啲唔知咩咁嘅..

不過唔知點解喎, 今日忽然心血來潮覺得好想去跳一跳, 結果就放下成見膽粗粗行入個studio.. 因為有一段時間冇跳, 驚氣魄唔夠, 而且又係新導師, 又有啲驚拍唔住.. 開始真係有啲唔慣, 不過好快之後就覺得都OK噃, 幾好吖啲steps教得.. 最重要係我今日好叻, 完全跟得晒啲steps, 又拍得住個音樂.. 後尾轉用娜姐首新歌《四分鐘》, 節奏明顯快多半拍, 但係我都可以輕而易舉兼好流暢咁跳晒成part舞, 勁!! 唔係我要贊自己, 事實上係覺得自己真係好叻, 哈哈!! 跳完覺得成身都郁動晒, 好舒服, 好似消耗九千幾個卡路裡咁痛快..

part舞有一段係要跪喺地下跳嘅, 咁我當時著住運動短褲, 地板又硬硬淨淨, 不停咁跪上跪落, 都唔好話個膝頭冇事啊.. 尤其去盡跳嘅時候, 個momentum係攞命囉.. 所以唔好怪我第一句就同你講﹕我兩隻膝頭依家一塌瘀紅, 隱隱作痛..

09.06.2008 | 熊霸天下

有一段時間冇去睇戲喇, 噚日同幾位朋友去睇咗呢齣《Kungfu Panda》(功夫熊貓)英文版.. 之前冇乜留意呢齣戲, 淨係見商場成日有隻熊貓喺度同小朋友影相, 同埋快餐店有售賣電影週邊產品.. 不過當日戲院出奇地成人多過小朋友囉..

電影開畫打正個Dreamworks SKG招牌, 應該係信心保證.. 一開始竟然係2D animation, 嘩, 唔係吖嘛?? 唔好嚇我喎.. 不過虛驚一場, 原來係主角阿寶發緊夢所以先專登用2D, 嚇得我吖, 好彩整齣戲一路都係3D, 夢工廠出品, 當然係3D啦係嘛??

整齣戲故事當然唔複雜, CG算係一般交功課, 冇乜令人驚艷.. 不過確實係娛樂性豐富, 笑料百出, 配音員嘅聲演更係稱職, 而且個個都係好萊塢知名演員.. 仲有幕後主唱主題曲《Kungfu Fighting》嘅韓國國寶阿Rain,今次真係用咗好多亞洲卡士噃.. 成齣戲都好enjoy, 不過得個90分鐘有啲唔夠喉添.. 我最愛一幕, 亦都係全場笑爆肚嘅一幕: 螳螂幫阿寶針灸到面形曲折, 超低B超抵死, 睇嘅時候記得留意呀~~

裡頭都用咗啲簡單中文, 係一針見血咁用法:
Master Oogway.. 個大師真係隻[烏龜]嚟架
Choh-gum Prison.. 監獄?? 梗係[坐監]啦..

老少咸宜精彩動畫片, 頗有中國色彩, 如果想輕鬆吓, 值得去睇架.. 好多朋友睇過都覺幾好, 點擊以下鏈接睇睇個預告片啦!!
英文版(Jack Black, Dustin Hoffman, Angelina Jolie, 劉玉玲, 成龍等)
粵語版(陳奕迅, 房祖名, 何韻詩, 何超儀等)
中文版(潘瑋柏, 金士傑, 侯佩岑等)

08.06.2008 | 是日彙報(三)

彙報[一]之終集
一個人戇居居咁休閒咗兩日之後, 今日總算有節目.. 約咗幾位朋友去睇戲, 睇完戲跟住去另外友人YL屋企.. 唔知點樣叫朋友屋企呢個function, 就係結婚前一晚, 男女各方喺屋企簡單設宴款待親戚朋友嗰啲party.. 齣戲都幾好睇, 娛樂性十足, 下一個entry再詳細報導.. 夜晚個function, 好明顯又係一個朋友聚餐嘅機會啦, 不過主人翁忙於招待親友, 所以無暇好好坐低傾吓偈.. anyway, 因為係禮拜日聽日又要返工, 而且又心掛掛個上網問題, 所以都係逗留片刻, 大概8點鐘就各自鬆人喇.. 唔好意思YL, 到時你擺酒嗰晚再畀足面你坐成晚, 哈哈~~

彙報[二]之終集
今朝起身第一件事就係打去tmNet客戶中心要求reset我個password.. 用咗個新password之後結果個modem好順利咁就連接上到網喇, 開心到呢.. 不過當我繼續要安裝個wireless router嘅時候, 問題就接踵而來, 明明就係上到網, 不過一用親WiFi就瓜材, 搞到我頭都大埋.. 結果成大半日裝咗有20次咁多, 都係唔成功, 最後火都嚟埋, 真係好想放棄走去買個modem router 2-in-1算數.. 最後因為約咗朋友, 所以冇時間去買.. 夜晚返到屋企, 死唔甘心, 又再嘗試從新安裝, 結果皇天不負有心人, 屢敗屢戰個幾鐘之後, 陰差陽錯咁終於畀我搞掂咗喎.. OMG, yes, finally!!! 有種失而復得, 久旱逢甘露嘅感覺, 而且慶幸冇衰衝動去嘥錢買多個modem router, 阿彌陀佛, 哈哈~~

07.06.2008 | 是日彙報(二)

彙報[一]之續集
繼噚日放咗一日假之後, 今日繼續週末假期, 都係冇乜細藝, 所以又係去gym過日晨, 不過今日有個重要任務, 就係要買返部新modem.. 不過噚日比起上嚟, 今日間商場簡直係天淵之別, 啲人多到呢, 真係冇胃口想逗留多片刻.. 平時禮拜六都唔會咁多人架, 可能今日係公共假期關係啦, 所以全城啲人都踴晒去間商場度, 救命!! 其實我都有開始懷疑, 當中有某部份人應該係其他地方嚟嘅, 因為見到好多「外省look」嘅人, 好唔醒目咁成村人棟篤企喺度, 都唔知做乜?? 話是話, 唔覺自己阻街嘅咩?? 見到呢啲祖街人, 我就會好勞氣, 不過佢哋又唔係得罪我, 都唔知點解..

彙報[二]之續集
Gym完之後專登走去另外一個商場買modem, 左揀右揀+前度後度+貨比99間之後, 終於都買咗部返嚟喇.. 返到屋企, 第一時間以九秒九速度安裝個新modem, 諗住沖返個靚涼之後就可以橫行無忌咁上網.. 點知, 人算不如天算, 安裝嘅時候需要dial-up個ASDL service, 打咗六百幾個password始終都係入唔到, 到底自己個password係咩呢?? 真係考起uncle我.. 結果又係空歡喜一場, 今日又要再抵受沒有上網的日子喇.. 聽朝一定要打個電話畀customer service求救!!

06.06.2008 | 是日彙報(一)

彙報[一] 之首集
聽日係公共假期(最高元首華誕), 每逢公共假期落喺禮拜六, 公司都會補假, 不過就限於假日前或後一個工作天, 二選一.. 之前與同事們半自願半商量咁安排, 結果自己今日放假, 其實我不嬲都係prefer禮拜一嘅, 不過是但啦反正都係冇乜分別.. 今日因為大家都要返工得我自己放假, 所以冇約人之余亦都冇人約.. 成日係好鬼悠閑咁過, 冇乜細藝咪又走去gym過日晨囉.. 不過今日係去游水, 順便suntan曬吓自己, 都曬黑咗啲嘅, 比較中意自己皮膚黑黑地, 睇落健康啲精神啲.. 躺在太陽椅上, 聽住自己中意嘅音樂, 享受今日柔和陽光嘅親澤, 係好relax囉.. 可以講係舒服得就地瞓著咗, 希望自己當時冇顯露醜態啦, 哈哈..

彙報[二] 之首集
今日返到屋企諗住上網啦, 點不知上極都上唔到, 後來先發現原來個modem壞咗.. 嘩, 無啦啦壞咗, 想點啊?? 都係用咗你一年多嗰啲啲啫, 唉, 真係free嘢冇好嘢(部modem係當時簽購服務時候隨配套贈送嘅), 梗係呢一年嚟日以繼夜24小時開住, 燒鬼咗啊陰公.. 聽日又要勞煩自己去買部新嘅, 真係嘥錢又嘥力!! 忽然冇得上網, 覺得週身唔聚財, 好似與世隔絕, 時間過得天荒地老咁, 確實係慘絕人寰囉, 救命..

05.06.2008 | 齊齊食粽

噚日公司又有活動新搞作喇, 其實每逢過時過節都有個題材嚟搞活動嘅, 多謝同事MY每次都咁心思細密啦, 嘿嘿.. 今次就係搞咗個端午節食粽time sharing喇, 因為五月初五端午節落喺呢個禮拜日, 所以提前噚日lunch time搞.. 誓估唔到又咁啱噚日係在下農曆年牛一添, 真係橋..

公司最近人強馬壯, 全體同事一共14位, 所以今次買咗近30隻粽實行搞番個穀粽大食會.. 幾位同事於前一晚就買咗形形色色各種唔同嘅粽, 一次過晒唥擺晒喺台面上, 係墟陷得攞命囉.. 揸住支叉呢隻食啲嗰隻食啲, 食吓食吓其實都啃咗好多落肚, 成語「積少成多」就係咁解喇.. 大家喺會議室食粽同時, 仲開埋個projector扭盡volume播DVD(套戲好似叫《老師嫁老大》), 一邊賞粽一邊睇戲, 其實我哋呢班人都好識享受啫.. 不過開開心心咁食完, 覺得胃氣漲, 即刻嘆返杯頂級鐵觀音抒緩吓, 好享受囉..

我諗起遠方有位老朋友一提起粽(尤其包眉豆嘅), 就已經不能自拔地流晒口水, 懶理任何高貴矜持.. 提醒你, 今個禮拜日係端午節啊, 記得落唐人街買返幾隻嚟過節喇.. 你睇你睇, 睇我食得幾咁滋味幾咁開心?? 哈哈..

04.06.2008 | 五月初一

今日係五月初一, 係在下嘅農曆年牛一.. 其實我自己都唔會去記呢一日, 係咁啱同事MY話我知端午節係呢個星期日, 所以端午節五月初五, 倒計四日就係我牛一.. 丁巳年五月初一出世嘅我, 今年貴庚?? 自己計吓囉咪..

距離正日都尚有成兩個星期時間, 不嬲都係慶祝開陽曆生日, 唔興慶祝牛一呢家嘢嘅.. anyway, 屋企人每逢五月初一都會整幾隻紅雞蛋過我喫, 當係一個慶生嘅意思.. 係好傳統架, 不過近幾年好似simplify好多, skip咗上紅粉嘅步驟, 所以係食普通全熟蛋一樣.. 牛一食紅雞蛋, 取其鴻福齊天之意, 簡直係好意頭啦!!

今日有個朋友晨早MSN恭賀我, 問我今年有乜生日願望?? err, 好搞笑喎, 好似未聽過有人食紅雞蛋許願架噃.. 不如等多十數日我正式生日, 吹蠟燭切蛋糕嘅時候先許番個願啦.. 不過咁, 聽聞許咗嘅願係唔可以話人知嘅, 因為越秘密就會越靈.. 我諗我都應該開始計劃到時要許個咩生日願望喇, 嘿嘿..

p/s: 今日返到屋企, 有雞蛋(不過唔係紅色)同雞肶食, 哈哈..

03.06.2008 | 我部新腦

上個星期訂咗部新laptop, 引頸長盼今日終於收到喇.. 如無計錯, 呢一部應該係我工作咁多年以嚟嘅第8部, 平均一年換一部, 都好頻密喎.. 點啊, 呢部Dell Inspiron 1420靚唔靚仔先?? 今次係我自己親手揀架, 仲係一見鐘情揀咗呢個白色懶係好mac咁, 而且硬件通通upgrade去到盡.. ET, ET: 雖然我知你好鬼羨慕, 不過我唔係特登要喺度晒命架, 呵呵~~
其實個外形設計比我想象中「輪盡」得多, 不過白色的確爭返唔少面子, 因為夠潮爆.. 跟住個重量亦都比我想象中「笨重 」, 都係多得個9-cell battery, 如果拆開電池其實個機身都頗輕嘅.. 最後個USB port置於兩旁左前右後, power port又擺喺左邊, 查實我比較中意全部放喺後邊, 睇落會企理多啲.. 最激心嘅就係部機原本四平八穩, 但係就因為個9-cell battery, 無端端後邊凸咗舊嘢出嚟, 有成半吋咁多, 好礙眼囉..

講咗咁多不滿, 其實部機嘅interior設計得幾型仔嘅, 全銀色冷調設計, 尤其個鍵盤好cool囉我覺得.. 跟住內置有2MP相機, 呢個我最中意, 下次MSN就可以見見我個醜樣噃唔介意嘅話.. 跟住硬碟跟有250GB咁多, 應該好夠駛可以裝好多嘢喺入邊喇.. 最後一點, 部機係裝咗Window Vista嘅, 第一次用, 好中意個interface, 有埋animation咁抵死添, 嘩, 真係靚仔到呢~~ 不過仲未可以斷定我究竟中唔中意Vista, 因為未正式深入使用..

最後.. 都係好誠心要講句: 其實我係好開心有部新腦架(雖然公司budget買唔起其他貴價laptop), 依家直頭係愛佢如命啦, 呢啲咪叫做新屎坑三日香囉喂.. 哈哈哈!!!

02.06.2008 | 感覺心蹹

有冇試過曾經揼晒成副心機, 搏晒老命去為某啲人做某啲事, 結果到最後卻發現原來人哋竟然持有180°相反嘅諗法, 而且跟本都未重視過??

當自己扑心扑命咁去為人做嘢嘅時候, 係出自於自動自發(或者可以講係自願), 唔要求任何回報, 只不過係希望可以幫到(或者有時係純粹為咗取悅??)對方.. 可能人哋口口聲聲話多謝晒, 好感動喎, 好appreciate啊.. 不過其實係唔係真心呢?? 定係客套上都要感謝一番, 但係個心裡邊就淡過杯水呢?? 其實如果係真心感動, 我覺得應該至少有啲回應, 唔係一味講但係就唔見適當行動.. 最心蹹就係再二三咁得唔到認同, 到最後可能反轉豬肚, 人哋會話「喂, 係你一廂情願, 我由始至終都冇開過聲喎!!」.. imagine當呢種情況發生喺自己身上, 就好似一巴掌咁狠狠地刮喺塊面度--好痛, 好悲憤, 同時亦都覺得好醜.. 一廂情願得心境豁達唔係人人都可以做得到..

可能真係唔應該過份執著, 所謂食得咸魚就要抵得渴, 呢一巴係刮醒你, 唔好咁傻咁天真.. 凡事要學識有所保留同自我保護, 唔好過於坦露自己, 呢個世界始終都係現實嘅.. 所付出嘅時間金錢精力心機, 就由佢付諸流水, 需要喺記憶中永遠消退..

[後記: 見最近啲entry都幾花天酒地,所以今日特意轉換口味, 嚟個感性篇.. 寫到呢度, 係唔開心, 不過大家請放心, 抒發咗出嚟我會冇事, 明天會更好 :) ]

01.06.2008 | 難以抗拒

其實KFC對於我嚟講有一種難以抗拒嘅魔力, 喺一般嘅情況之下, 我通常都唔會拒絕人家話去食KFC嘅提議, 再加上有時自己都諗住要食, 所以就一拍即合(暗爽!!)..

印象中同事SG平時懶得出去食晏, 但係每次摟佢去食KFC嘅話, 實受唔住誘惑, 誓死相隨, 哈哈.. 跟住落嚟就梗係不得不提好朋友小春啦, 呢位簡直就係KFC一等fans, 記得佢以前有個每星期六都食KFC嘅記錄, 佩服佩服!! 不過可惜吖, 佢而家身在英國, 嗰邊KFC味道實在難以媲美.. 下次返嚟, 我哋齊齊去食KFC為你解解癮啦, 好唔好??

喂喂喂, 咪住咪住.. 呢幅相係KFC?? 乜KFC有飯食咩?? 唔錯, 就係KFC最近新推出嘅雞飯喇, 哈哈!! 雖然唔似海南雞飯咁正宗, 不過覺得都OK架, 至少有啲唔同, 唔駛每次都薯蓉+沙律.. 況且飯比較起薯蓉+沙律, 個熱量同卡路裡係低啲架.. 仲有仲有, 我每次都一定指明淨係要雞胸+雞背, 因為冇咁肥膩.. 呢一點好重要, 驚肥但係又中意食, 呵呵~~