設定貼子語言 Set language for posts :
中文
English
中英雙文 English & Chinese

12.06.2008 | 快速回水

上個星期收到稅務局張支票, 有啲驚訝於該局嘅辦事效率.. 印象中, 一路以來每個月嘅自動繳稅都會畀多佢, 但係每一年積埋積埋都從來未見佢回水.. 因為之前幫該局做過一單project, 所以都識得啲人, 探到風聲話今年開始佢哋會有好多程序上嘅改進, 特別係退稅呢家嘢, 個turn-around time由不設限期到而家嘅一個月之內.. 可能係畀人講得多, 收稅就鬼打咁猛, 回水就群龍不見首..
早前last minute網上報完稅之後, 真係一個月內就收到呢張回水支票喎.. 真係令人激賞啊, 果然係講到做到, 比著以前要等到99都收唔到啦.. 自動繳稅一共畀多咗二百幾蚊, 依家張票早就已經入咗啦梗係.. 忽然富貴二百蚊, 可以買生日禮物畀自己噃, 哈哈~~

12 comments:

  1. 是不是很惊讶?是不是很开心?哈哈, 终于可以拿回自己的钱了!

    ReplyDelete
  2. 是那種失而復得的感覺.. 就好像你在收拾屋子的時候, 發現某本雜誌中夾著50塊錢鈔票的那種感覺囉..

    ReplyDelete
  3. 啊? 我从来未报过税喎,税务局会唔会嚟拉我架?

    ReplyDelete
  4. 嘩, chris少你唔係吖嘛?? 你月入高薪, 從來未報過稅?? 我要舉報你, 呵呵!! 不過你去自首都唔會有事嘅我諗, 佢哋大雞唔食細米..

    ReplyDelete
  5. 我旧年就好快就得到回水支票,今年呢?他地就寄左封信来,讲PROCESS紧噢!税务局效率几好咔,不过呢,我个人就比较中意公积金局的办事能力,仲非常之快添!依两个是政府部门入边最令人激赏的工作态度.

    ReplyDelete
  6. 梗係要高效率啦, 係佢哋負責我哋畀嘅血汗錢, 每個月真金百銀雙手奉上架喎..

    ReplyDelete
  7. 我諗都系,佢哋target d大鳄架嘛,我哋呢d鱼么虾仔,佢哋边度会睇得上眼啦!

    ReplyDelete
  8. hmmm, chris少.. 其實你可能係個大鱷都唔定喎, 禾稈蓋珍珠啊你.. 勸你都係快快自首, 免得千古恨啊~~

    ReplyDelete
  9. 哗! 阿哥,乜你咁睇得起我啊。。

    ReplyDelete
  10. 梗係啦, 你呢啲咁「高高在上」嘅職業..

    ReplyDelete
  11. 哗! 好大顶高帽笠过嚟喎。。。

    ReplyDelete
  12. 直程係成頂高帽兜頭笠過去啦, 死未?? 哈哈..

    ReplyDelete