設定貼子語言 Set language for posts :
中文
English
中英雙文 English & Chinese

02.06.2008 | 感覺心蹹

有冇試過曾經揼晒成副心機, 搏晒老命去為某啲人做某啲事, 結果到最後卻發現原來人哋竟然持有180°相反嘅諗法, 而且跟本都未重視過??

當自己扑心扑命咁去為人做嘢嘅時候, 係出自於自動自發(或者可以講係自願), 唔要求任何回報, 只不過係希望可以幫到(或者有時係純粹為咗取悅??)對方.. 可能人哋口口聲聲話多謝晒, 好感動喎, 好appreciate啊.. 不過其實係唔係真心呢?? 定係客套上都要感謝一番, 但係個心裡邊就淡過杯水呢?? 其實如果係真心感動, 我覺得應該至少有啲回應, 唔係一味講但係就唔見適當行動.. 最心蹹就係再二三咁得唔到認同, 到最後可能反轉豬肚, 人哋會話「喂, 係你一廂情願, 我由始至終都冇開過聲喎!!」.. imagine當呢種情況發生喺自己身上, 就好似一巴掌咁狠狠地刮喺塊面度--好痛, 好悲憤, 同時亦都覺得好醜.. 一廂情願得心境豁達唔係人人都可以做得到..

可能真係唔應該過份執著, 所謂食得咸魚就要抵得渴, 呢一巴係刮醒你, 唔好咁傻咁天真.. 凡事要學識有所保留同自我保護, 唔好過於坦露自己, 呢個世界始終都係現實嘅.. 所付出嘅時間金錢精力心機, 就由佢付諸流水, 需要喺記憶中永遠消退..

[後記: 見最近啲entry都幾花天酒地,所以今日特意轉換口味, 嚟個感性篇.. 寫到呢度, 係唔開心, 不過大家請放心, 抒發咗出嚟我會冇事, 明天會更好 :) ]

12 comments:

  1. 虽然说是施恩莫望报,但老实说,心里还是希望对方会有回报,哪怕只是对你笑笑说声谢谢。 right?

    我比较喜欢买食物给人吃,您呢?

    ReplyDelete
  2. 對啊, 沒有人可以真正做到施恩莫望報的, 可以的話就是聖人啦.. errr, 買食物給人吃?? 經常做啦, 不過這麼小事啊, 那我倒沒有要求回報.. 我說的是其他的事情..

    ReplyDelete
  3. 经一事,长一智。下次咪学精d囉!

    ReplyDelete
  4. 爱之深,责之切,虽然无厘头甘用依句话,但是是我睇完你的文章之后,脑海浮现出来的词句。

    说真,我明白喀!

    你为左一D人好,所以奉献左少少力量,可惜对方竟然唔去珍惜。因为在乎,所以关心之余,亦责备对方点解唔去好好珍惜??所以,心痛,悲哀。。。。。

    ReplyDelete
  5. chris:
    睇你都係經咗好多事, 長咗好多智嘅人喇, 真係要多多指教啊..

    fookong:
    ????? 好嘅, 雖然字面上可能令你諗得太深入, 但係都多謝關心.. 或者你偶有感觸, 有感而發呢?? 放心, 我冇事.. :)

    ReplyDelete
  6. hmm, i wonder who that person is...

    ReplyDelete
  7. hmmm, i let you guess?? haha..

    ReplyDelete
  8. do i know that person??

    ReplyDelete
  9. 靓仔 uncle﹐冇悲哀。。雖然我哋份人唔算得係大方﹐所以有時都好希望人哋會有所感激嘅回應。。不過有啲人真係唔會咁做﹐咁算囉﹐起碼幫你睇清楚呢個人。。

    氹番氹番。。

    ReplyDelete
  10. ET:
    hmmm, it's just what i've done but nobody else to blame.. so rather not going to tell much, keep this as a little secret, ssssshhhhh..

    mynicole:
    auntie真係明白事理, 多謝你氹啦.. 我抒發完就冇事啦, 唔好諗得太複雜.. 你見我今日又唔係開開心心咁??

    ReplyDelete
  11. 係啊! sk, 我每次都係撞咗板,赖咗嘢,先至学精架!

    ReplyDelete
  12. 咁Chris少你依家一定係非常之精叻, 非常之謹慎嘅人喇, 請受小弟一拜~~

    ReplyDelete