設定貼子語言 Set language for posts :
中文
English
中英雙文 English & Chinese

30.04.2008 | 一個名銜

PMP考試順利過關之後, 噚日終於都收到有關機構所寄過嚟嘅證書喇.. 寄過嚟嘅係一個folder, 裡邊有封恭喜信啦, 證書啦, 一張CD(入邊好多守則)啦, 同買一個好搞笑嘅PMP別針(嘩, 真係搵鬼戴住佢咩?? 唔駛週圍話人知你係PMP噃).. 收到嘅時候其實都冇乜興奮, 唔知咧, 因為覺得自己係受之有愧, 都唔好意思週圍話人知我係個PMP囉.. 咪住先, 寫blog其實算唔算係高調宣傳啊咁?? 呵呵~~點都好, 話晒都為咗佢拼搏過, 而家可以喺個名後邊加返個名銜, 好似有啲威水呵?? 哈哈.. 不過而家煩惱嘅係點樣去maintain呢個title, 因為呢個title唔係贈你一世人架, 而係要參加一啲活動(係要畀好多錢嘅活動)去累積積分, 每三年要至少60分先可以繼續享用呢份榮譽架.. 唔簡單囉, 好似成世人要為咗呢個名銜而勞心勞力咁.. 而家就係覺得進退兩難囉, -_-''' 哈哈..
Rate this post:

12 comments:

  1. 虽然,得到PMP的感受,真是得你一个人至知喇,但是依个名衔的本意,我相信并不是在你名字后方加冕,而是你个人自我增值的意思喇....相信,它会带俾你好多唔同的人生体验啦.

    VERY GOOD 啊!讲得真是好啊!我都是甘样觉得!哈哈哈哈!加油啦,老友记!

    ReplyDelete
  2. 不但如此, 它还会给你一个account上网下载logo. 还可以打印在名片上wor..

    ReplyDelete
  3. fookong:
    講得啱, 咁當然唔係得個名銜, 係一個自我增值自我提昇.. 但係講到咩人生體驗, 哈哈, 又冇咁誇張囉, 咪又係工照返嘢照做??

    edward:
    不用上網下載喇, 那張CD裡面已經有那個logo可以用了.. 不過看我是不會把他印在名片上囉, 有個PMP字樣就好了, 不用太多花悄東西, 哈哈..

    ReplyDelete
  4. SK佬,
    甘增值有好多种方法咔,例如可以做D服务社区的工作,不单止可以令自己开心D,舒服D,人地都会因你的奉献而非常之感激你。

    不好晒左PMP的衔头啦。。甘晒料!!

    ReplyDelete
  5. 嘩, 可唔可以唔喺我個名後邊加個「佬」字啊?? 好難聽囉~~

    errr.. 請問PMP同埋做服務社區工作有咩關係啊?? 唔駛PMP人人都做得到嘅噃..

    ReplyDelete
  6. hahaha ,我以为你少做吗,提议蔗!!哈哈哈!其实,全然唔任何关系咔!嗡嗡爽!

    ReplyDelete
  7. 哈哈, 講真啦, 我又真係未做過咩義工架.. 我承認我唔係慈悲為懷, 憐憫世人嗰種人囉.. 我覺得我其實係有啲冷血架, 哈哈!!

    ReplyDelete
  8. 冷血的话,你仲在这里,马上去雪藏啦,费事天气甘热,融鬼左你啊!
    哈哈哈!做人要有慈悲心好,事在人为ZE

    ReplyDelete
  9. 你老師沒有教過你, 冷血動物的血其實不是冷的, 而是可以隨著週圍溫度的變化而跟著改變, 以讓其適應環境嗎?? 哈哈..

    ReplyDelete
  10. 依层我当然知道啦!但是唔好记得,你是人类哦!!所以人、动物有别咯!哈哈阿

    ReplyDelete
  11. 乜系PMP啊?
    不好意思啊,问D o甘o既问题
    好似好咋o甘

    ReplyDelete
  12. fookong:
    我當然知道我係人啦.. 哈哈!! 我仲未至於喪失理智嘅咁又..

    sonny:
    PMP代表Project Management Professional.. 等你大個仔以後可能會知啩?? hehe~~

    ReplyDelete