設定貼子語言 Set language for posts :
中文
English
中英雙文 English & Chinese

25.04.2008 | 好耐未試過..

今日放工與同事一齊去睇戲食飯, 一共11人搭正6點鐘放工鬆人, 浩浩蕩蕩咁趕去戲院睇7點場.. 真係成大棚人囉, 我記得十幾年前仲係學生嘅時候先至會咁多人一齊活動, 今次霸晒戲院兩排位, 都真係好耐冇試過囉, 哈哈~~ 齣戲《The Street King》唔係我杯茶, 所以唔講喇, 就講睇完戲個晚餐啦..
去咗戲院附近間越南餐廳CôDô(意思係古都), 新開嘅應該(因為連auntie MY都未去過).. 又係一共11人總動員行事, 不過幸好睇完戲已經過咗peak時段, 所以可以好順利入去即可坐低叫嘢食.. 入到去, 張檯放咗幾張白紙, 心諗:「嘩, 都好慳噃, 連印埋個logo錢都慳埋」, 結果冇幾耐有個侍應小姐雙手各揸住一個印, 就咁喺幾張白紙上印落「富貴」同「吉祥」幾個字.. 好特別囉我覺得, 不過唔係越南餐廳咩? 點解咁中國文化嘅??

我哋一共11個人, 所以係叫咗成檯嘢食(點擊上圖放大睇清楚啦).. 我自己叫咗份炭燒牛肉片套餐, 跟餐湯+越式撈米+兩款越式點心+餐飲, 個份量好大囉, 食唔晒.. 其他同事有啲叫套餐, 有啲叫點心, 有啲叫牛肉湯河, 全部都覺得好唔錯.. 埋單一共RM260幾, 環境衛生, 服務都幾好.. 順便一提, 間餐廳原來係某某評選2007年最佳越南餐廳喎, 其實係可以再去架, 不過下次點套餐可以考慮同朋友share囉..
Rate this post:

6 comments:

  1. 看了你的blog觉得有点饿𠻹!

    ReplyDelete
  2. 是真的不錯喎.. 吃得非常的開心滿足!! 去看看信箱有沒有匿名人送來的愛心宵夜?? 哈哈..

    ReplyDelete
  3. 我的信箱小到只能塞进一快饼,况且,no admirer 喎

    ReplyDelete
  4. hahaha!! you'll never know.. 正如你自己所說的--世事難料嘛~~

    ReplyDelete
  5. 嘩。。乜如果我未試過就係新開張?? 你諗住我咁勁試全天后美食咩。。哈哈哈

    不過嗰晚我真係好開心。。

    ReplyDelete
  6. 梗係啦, midvalley有邊間嘢你係未試過架?? 哈哈.. 係啊, 嗰晚真係食得好開心..

    ReplyDelete