設定貼子語言 Set language for posts :
中文
English
中英雙文 English & Chinese

21.07.2008 | 日出而作

日出而作 [唱: 農夫Fama / 曲: DJ Galaxy / 詞: C君, 6 Wing]
我最近都中意呢首歌, 歌詞寫得非常之寫實.. 個腦成日浮現個旋律, 尤其埋尾最後一句, 歇斯底裡嘅「尋晚我都冇走, 點打卡啫??!! 」果然一絕.. 今日禮拜一, 聽呢首個真係應晒景啦..
i love this song, especially on how real the lyrics is writing about the life of working.. the rythm of the song kept appearing in my mind, espcially the last sentence shouted hysterically (if you ever understand cantonese).. it's monday, and so listening to this song just bring out the chemistry..



[歌詞]
返工放工, 幾點至夠鐘?? Sick Leave要點用?? 開會有乜用?? 打卡, 打卡, 記得打卡.. 日出而作, 搏一搏, 我架單車都變摩托.. 睡眼惺忪九點鐘, 記得起身返工.. 九個鐘, 九個鐘, 每日返九個鐘.. 個個都要返工, 返工先唔使窮.. 證明你有用, 份糧月中已經唔夠用..

第一個鐘, 輕輕鬆鬆, 等第二個鐘.. 第二個鐘去Site Visit, 順便去埋Game Zone.. 第三個鐘打電話, 打成個鐘至接通.. 之後嗰四個鐘, 勁多野做, 喺公司四圍中.. 入廁所沖吓沖吓, 又釣魚中吓中吓, 攞杯咖啡沖吓沖吓, 沖吓沖吓沖吓沖吓, 咁又沖到最尾嗰個鐘.. 個個睇住個鐘, 個個等放工..

放工去玩, 又驚第二朝早起又驚糧尾.. 返工係一個得閒死唔得閒病嘅遊戲.. 你老闆唔鍾意你, 你唔鍾意份工, 鬼叫你鍾意份人工?? 咁就冇嘢需要理.. 返工放工, 幾點至夠鐘?? Sick Leave要點用?? 開會有乜用?? 打卡, 打卡, 記得打卡, 打卡最型打唔停, 打少一成會雙目失明..

大部份嘅老細會低估員工嘅能力, 大部份嘅員工會低估老細嘅智力, 大部份嘅老細會挑戰員工嘅耐力, 大部份嘅員工會問同事攞零食.. 返工放工, 幾點至夠鐘?? Sick Leave要點用?? 開會有乜用?? 打卡, 打卡, 記得打卡, 日搏夜搏先發覺, 最鍾意讀書返學..

永遠就嚟遲到, 班地鐵一定趕唔到.. 好彩第一個返到, 老細又睇我唔.. 到成個朝頭早, 已經有鬼咁多嘢做, 臨放工終於做到趴喺度.. 有人冇嘢忙又要扮忙, 女同事化完妝又要補妝, 係Pantry入面嘅Pantry黨扮開會同一個Project講完又講.. 掃把話唔夠數, 出嚟捉人去跑數, 跑極都係唔夠數, 份人工又唔啱數.. 最唔抵飲完酒起唔到身返唔到工, 詐病請病假, 又要付出代價.. 好彩啊邊個有醫生紙明碼實價, 仲要做緊特價, 請夠四日都唔怕.. 費時返到公司, 好似隻死屍..

放工去開P, 點知要OT.. 打卡, 打卡, 記得打卡, 唔係O咗T有邊個知?? 返工放工, 幾點至夠鐘?? Sick Leave要點用?? 開會有乜用?? 打卡, 打卡, 記得打卡.. 喂, 今晚我要早走呀, 你可唔可以幫吓我手呀?? 返工放工, 幾點至夠鐘?? Sick Leave要點用?? 開會有乜用?? 打卡, 打卡, 記得打卡.. 尋晚我都冇走, 點打卡啫??!!

4 comments:

  1. 有同感... 正!!! 要FWD俾我老细咗

    ReplyDelete
  2. 係啊係啊, 聽咗之後真係成支針拮住個心架..

    ReplyDelete
  3. 我都係咁話{日搏夜搏先發覺﹐最鍾意讀書返學}。。哈哈

    ReplyDelete
  4. auntie想繼續讀書返學?? 其實讀書返學都有讀書返學嘅苦處嘅, 哈哈!!

    ReplyDelete