一路以來都聽聞飲茶可以幫助消脂減肥, 所以最近就買咗盒普洱茶包嚟飲.. 姑且勿論佢究竟係唔係真嘅可以幫助消脂減肥, 單係飯後嘆返杯香濃熱茶, 就已經係間開心事, 而且竟然覺得杯普洱要比平時去茶樓啲好飲.. 不過飲得開心之余, 發覺啲茶漬原來係好難去除, 講緊係我隻白底茶杯, 每次飲完茶就一定攪到個杯內層黃噤噤, 洗極都洗唔甩.. 個茶杯原本係好靚架, 印咗芝麻街個Elmo同埋Big Bird, 我好中意架.. 但係只從用佢嚟飲茶之後, 啲茶漬慢慢累積, 就變成「敗絮其中」嘅茶杯一個, 真係激心.. 尤其要飲清水嘅時候, 見到個杯內咁污糟, 都真係唔開胃..
喺度尋找去除茶漬最有效嘅方法, 各位善心人士有何奇妙法寶, 不妨借此機會公諸於世, 我相信世上好多人都好似我咁被餐具器皿上嘅頑固茶漬所困擾架.. 能夠出點綿力施益人群, 功德無量啊~~
好简单，买过个黑色的杯就得啰！眼不见为净。
ReplyDelete你都唔啱channel嘅, 買過個黑色杯咪就係斬腳趾避沙蟲??
ReplyDelete