設定貼子語言 Set language for posts :
中文
English
中英雙文 English & Chinese

16.03.2008 | 如果時間倒流..

如果時間可以倒流, 你會唔會第一時間整張list出嚟, 然後慢慢咁去完成嗰啲曾經令你後悔/錯過/遺憾嘅事情呢?? 又或者拾取經驗以及教訓, 將一切無可挽留嘅僵局徹底洗牌, 然後從頭開始?? 執行當中, 你會小心翼翼咁避免同樣問題嘅發生..

我相信人生之中, 無論幾開心幾樂天嘅人, 都必定會有某些遺憾.. 可能事過境遷, 不過每當回首過去, 表面上似乎看破一切, 但係實質上可能仲會耿耿于懷.. 除非呢個人真係神仙, 可以徹徹底底忘記一切囉, 不過我覺得好難, 點都會有條刺係個心裡邊嚹住嚹住嘅..

所以你話, 如果時間以倒流嘅話, 我真係會有好多嘢想做囉.. 咁(我嘅)呢個世界應該唔會再有傷心, 唔會再有遺憾.. 係係係~~ 雖然而家發夢時間倒流尚早, 不過噏吓噏吓可能上天會突然間讓奇跡出現咧??
Rate this post:

2 comments:

  1. Ehh 。。我就咁睇。。

    有時啲嘢錯過咗亦或係揀錯咗都未必係壞事﹐起碼我能夠學精啲。。所以都毋須咁執著。。

    哈哈﹐如果可以返轉頭呀﹐或者你都會揀番同一條路呢因為你唔知如果揀另一條路又會係點。。啱冇??

    嘩嘩嘩。。Aunty 好長氣呀。。

    ReplyDelete
  2. auntie都講得唔係冇道理, 其實就係睇個人如何看待同埋處理件事情啫.. 不過都係一句, 跌低要識得爬返上嚟囉.. auntie你話啱嗎??

    ReplyDelete