11.03.2008 | 一串問號

百貨漲價水漲船高之際, 突然間我個腦袋有一連串我不能夠理解嘅問號..

• 點解有啲雪糕可以賣幾十蚊一杯咁貴?? 食咗會飛咩??
• 點解有啲朱古力可以賣幾十蚊一盒咁貴?? 食咗會變超人咩??
• 點解有啲咖啡可以賣十幾蚊一杯咁貴?? 飲咗會發達咩??
• 點解有啲服飾可以賣幾千蚊甚至幾萬蚊一件咁貴?? 著咗會變超模咩??
• 點解有啲食肆分明係水準之下, 但係就門庭若市?? 等運到咩??
• 點解有啲人可以幾百蚊食一碟神戶牛柳?? 食咗會升仙咩??

雖然以上一大堆點解, 但係仍然見啲人趨之若騖咁硬係要預一份.. 可能啲人有錢得我不能理喻, 又或者闊卓得我不能高攀啦.. 身為一個普通草根之民的我, 實在係未能拼入他們之列(講得俗啲就係埋唔到堆), 可能等到某天奇跡地讓我坐擁百萬身家之時, 我或者會過著同樣嘅lifestyle..

寫於不滿自己薄弱身家之時, 其實妒忌別人豐厚身家成份多啲..