08.03.2008 | 請投我一票

今年全國性大選舉, 繼2004年第一次投票之後, 今日係第二次一儘良好公民責任.. 比起好多同齡朋友, 我算係「經驗老到」喇, 哈哈.. 投票地點就喺屋苑內兩間學校舉行, 行兩步路就到算係頗方便, 剛剛就行去上一次投票地點, 點知今次被派去另外一個地點.. @#$%^&*累我行多趟冤枉路.. 沿路上拎起手機, 猛拍只有大選期間先可以難得一見嘅「街容」, 四週圍旗海飄揚, 到處都係「請頭我一票, 我會為人民服務」, 仲周街派宣傳freebies添.. 平時唔見咁落力, 大選期間確又無事獻慇懃, 我覺得係超搞笑囉..
成個投票過程其實十分簡單快捷, 採取分流制度.. 入到去各自分流設置嘅課室, 遞上身份證, 索取投票表, 跟住喺上邊劃個X, 折埋投入票箱入邊.. 前後唔到三分鐘, 國家命運就count on每個公民呢一票手上喇.. 一如既往咁, 呢個選區就係得「國震黨」同埋「天狗食月黨」, 大家留意到我如何稱呼兩黨派, 應該知道我投邊個啦~~ 其實大家都知道結果係點, 少少綿力只不過係但求該黨唔好贏得太囂啫..

後記: 好中意友人歌樂兒所寫呢篇關於選舉嘅post, 寫得一針見血, 尖酸刻薄, 不妨去睇睇吖[那票真的很鬼神聖] ..