設定貼子語言 Set language for posts :
中文
English
中英雙文 English & Chinese

10.03.2008 | 零食口不停

上個月阿MY姐忙到冇時間去幫pantry入貨, 攪到個個同事踏正三點三, 自動自住咁行一輪pantry覺諗搵啲嘢嚟嚼, 點知個個都兩手空空行返埋位, 頭嗒嗒咁十分悽慘咁樣.. 結果上個週末, MY姐終於高抬貴手入貨喇, 可能拎得太多嘢上公司, 結果禮拜一竟然請病假(-_-''').. 就喺呢一日, 各位同事可謂「久旱逢甘露」(嘩!! 我好中意呢句形容詞, 真係好貼切囉), 結果不消三日就已經將八成零食一掃而空, pantry又再重返冷清喇.. 我心內只得一個字, 勁!!!
唔好以為上邊呢幅相花花綠綠咁睇落好多啊, 其實三兩下散手, 好會可以折埋.. 而且唔講你唔知, 上邊呢咋嘢, 係上個禮拜五下晝專登第二批入貨架.. 好彩公司有預筆錢過我啲呢班零食鬼用喺pantry上, 如果唔係都好易食窮囉, 呵呵..
Rate this post:

8 comments:

  1. 哇!正!我公司净係得低milo, coffee ,饼干呢D行货,认真闷!

    ReplyDelete
  2. 你不如建議用啲錢買零食仲好啦..橫店你係主管, 點都有話事權啩??

    ReplyDelete
  3. 至弊我是QA,Office是production的老板出钱哩!

    ReplyDelete
  4. 咁你都有權替其他員工反映民意啩??

    ReplyDelete
  5. 咦。。乜我上個月冇幫 pantry 入貨咩!! 哎唷﹐ sorry 咧﹐下次唔敢啦。。

    ReplyDelete
  6. 哎呀, 咁又唔駛道歉, MY姐你貴人事忙吖嘛..

    ReplyDelete
  7. 我諗應該係我睇到仲有好多過年餅所以幫 pantry 入少貨呱。。哈哈

    啊。。uncle 呀﹐ehhh﹐其實果個拜一呢﹐我真係請假去做啲私人嘢就唔係 sick leave 嚟嘅噃。。嘻嘻

    ReplyDelete
  8. 哦?? 有咁嘅事?? 咁應該係uncle記錯日子啦.. 哈哈!! 梳li, 梳li..

    ReplyDelete