又係一年一度八月十五喇, 月亮圓又圓, 中秋慶團圓.. 其實對於中秋節都冇咩特別感覺, 淨係記得點燈籠食月餅, 況且已經N年都未提過等燈籠啦, 距離懶有文化搞月光會嘅學生時代都十幾年啦, 月餅嘅話最多偶然食一兩細塊, 因為覺得佢就係得個甜膩, 在下其實唔係好欣賞.. 今年公司搞個中秋活動, 有燈籠裝飾又有成咋月餅任食, 算係呢N年來近距離見過最多燈籠, 食過最多月餅嘅一年.. 雖然對於呢個節日冇咩特別感覺, 都會記得係邊月邊日嘅, 放工返到屋企, 呢一日實會有頗豐富嘅晚餐, 算係做節咁話啦, 一定走唔甩大魚大肉架喇..中秋係華人傳統裡一個重大節日, 但係隨著社會成長繁榮, 覺得其重要性已經漸漸被淡忘, 在下應該就係其中一個喇, 十分之唔好意思.. 不過最近慶幸地發現某些商場都有舉辦啲大型中秋活動嘅.. 一連串文娛表演, 月餅製作示範, 歌星表演坐鎮, 雖然個主旨係要向友族同胞或者外國遊客宣傳呢個傳統節日, 但係都不失係個保留傳統嘅舉動嚟吖, 值得拍手鼓掌架.. 係度不忘祝賀各位中秋快樂, 男嘅就壯如吳剛, 女嘅就美如嫦娥啦~~
happy mooncake festival. I am going to have dinner with people from different country such Australia, England, Thailand, China and etc. However, I don't think it is fun at all, cause Mooncake festival is kinda for reunion.
ReplyDeleteoooh?? a multi-national dinner?? haha.. then should bring along one mooncake and tell them about mooncake festival lu..
ReplyDelete