設定貼子語言 Set language for posts :
中文
English
中英雙文 English & Chinese

12.09.2007 | 九一二

見到阿敏儀姑娘寫咗篇關於九一一嘅blog, 即刻令我想起一件事, 唔係九一一但係同九一一有關嘅.. 話說六年前九一一翌日, 即係九一二, 當時我仲喺以前間公司打工, 公司就喺國油雙峰塔23樓.. 當日朝早, 我到達公司開咗部電腦, 邊享受早餐邊上網收看最新九一一報導之時, 突然間聽到廣播話要兩棟樓全部人即刻疏散.. 初時都不以為意, 但係連續廣播數分鐘之後, 各位同事先至你眼望我眼, 慢條斯理咁準備疏散.. 大佬, 晨早流流揾啲咁嘅嘢嚟攪啊?? 結果大家三五成群, 大搖大擺, 有講有笑咁由23樓一路行樓梯行到底樓.. 後來四處打聽消息, 原來因為九一一嘅關係, 呢兩棟全球最高大廈(當時台北101未興建好), 亦都好應景咁有個bomb scare..

當全體tenants(兩棟樓加埋商場)都集合於大廈前空地嗰陣, 個個人都好似散完步咁, 真係一啲驚恐都冇.. 大家喺企企吓見無所事事, 有者甚至約埋成棚人行過去幾條街處嘆早茶添.. 其實當時我哋一班同事都行咗去隔離幾條街間麥當當坐咗陣啦.. 大概兩個小時後收到風話係流料之後, 所有人又若無其事咁搭返lift上去繼續返工囉, 有啲人仲好可惜點解咁快又要繼續返工添, 哈哈..

唉, 呢啲就係馬來西亞人嘅態度喇, 可能個個人都習慣生活在天下太平之下, 所以如果真係有咁嘅事發生, 都真係大吉利是囉.. 九一二, 初咗係哥哥冥壽之外(今朝睇報紙知嘅), 我最記得就係呢一日喇..
Rate this post:

2 comments:

  1. 哈!! KLCC 竟然發生過咁好笑嘅事。。。

    ReplyDelete
  2. 係啊, 第二日仲頭條新聞添啦.. 表面睇嚟就好似好緊張咁, 但係實則上內情就係我所形容一樣喇, 哈哈..

    ReplyDelete