設定貼子語言 Set language for posts :
中文
English
中英雙文 English & Chinese

02.09.2007 | 全城歡騰

國慶假期連接週末, 一連三日假期「樹」一聲就咁過咗喇, 好似都唔記得自己呢三日入便做過啲乜.. 淨係記得去親邊都係人潮, 本以為城中游子們都會乘機回鄉, 咁就應該會少咁啲人.. 但係事實並唔係我想像中咁噃, 反而好似全城人都傾巢而出, 市區各個商場食肆都係人.. 尤其城中最大兩間商場更是萬矢之的, 好不幸嘅在下其實就係其中一矢(~_~"').. 最恐怖就係搭電動火車嘅人群, 你推我攘爭先恐後逼入車廂, 完全見證「馬來西亞得」呢個全民景仰嘅口號, 難道就係要以此種行動歡度國慶佳節?? 勁搞笑.. 一向都怕人多嘅地方, 見到多人我就覺得冇晒興奮心情, 某啲人(聰明嘅讀者應該知道係邊類啦)好中意一家大細親朋戚友成棚人咁出動, 蓮步姍姍不特止, 仲中意三不五時成幅牆咁停喺路中間.. 嘩, 大佬, 條路你哋家族嘅咩?? 阻住人架嘛, 一啲都唔醒目, 而我一向都係快腳步吖嘛, 行行吓無啦啦畀成村人檔住去路, 都真係好鬼勞氣..

2 comments:

  1. 说起路霸,我这里更多!!斑马线知识告诉行人,过马路时要很小心!很讨厌一些人就是喜欢挡在前面。而且不是一个人,是一扎人。

    ReplyDelete
  2. 就是那些路霸..哈哈!! 整榨人擋住去路.. 好“非洲和尚”..

    ReplyDelete