設定貼子語言 Set language for posts :
中文
English
中英雙文 English & Chinese

21.05.2007 | 京滬遊(III) 一日緊湊

噚晚漏夜由上海飛過嚟北京, 加上飛機延遲一個小時起飛, 所以到北京嘅時候已經凌晨零時卅分喇.. 喺度多謝小明不辭辛苦, 三更半夜都兩脥插刀咁去機場接我哋..

經過小明噚晚為我哋詳細講解, 今朝晨早起身, 已經好清楚今日嘅行程.. 食完早餐後, 搭地鐵去天安門廣場, 擺兩擺鋪士影返幾幅相見證自己曾經踏足此地.. 正如小年所講, 天安門廣場已經變成一個遊京人士必到嘅景點, 又有幾多人仲記得背後歷史嘅點滴咧?

毛主席幅相之下, 就係進入故宮紫禁城嘅正門喇.. 嚟到北京, 故宮梗係不可錯過啦, 現在我要入宮喇.. 一入宮門, 果然為之一振, 好宏偉好莊嚴嘅宮殿群.. 因為劇集《金枝慾孽》嘅關係, 對於裡頭嘅宮殿總算稍有所聞, 亦都因為咁所由以對於故宮不至於太陌生.. 可惜太和殿同埋神武門正在進行維修, 確為一點美中不足..

由神武門行出紫禁城南邊, 過條馬路就係景山公園.. 公園裡頭有五個亭建喺一座山上嘅, 最高點中間個亭可以俯瞰整個紫禁城.. 可能因為小明噚晚對於佢嘅描述而有過高期望, 所以當企喺個亭一望, 都不過如是睇唔出整個紫禁城嘅宏偉同莊嚴, 再加上維修中嘅兩個宮殿, 就更加大殺風景啦..

原本plan好今日行程就喺景山公園結束, 點知同小君兩人行完天安門/故宮/景山公園都不過係下晝兩點幾.. 所以就好即興咁諗到去天壇, 於是就盲盅盅咁搵到架巴士搭去天壇喇.. 覺得天壇都幾靚, 尤其係個祈年殿, 更加係比故宮裡頭好多宮殿來得吸引.. 天子用嚟祭天嘅地方, 梗係有番咁上下啦我諗.. 有點遺憾就係我部相機冇晒電, 如果唔係應該會喺度影多幾廿幅相..

今日行程仲未結束.. 夜晚小明同Zoe就帶我哋去什殺海還食晚餐, 然後就感受吓北京夜生活.. 呢個地方有好多酒吧, 規模比蘭桂坊大好多, 每日幫襯一間一個月都幫襯唔晒.. 而且每間都係用live band架.. 其實喺度飲嘢嘅feel應該係好唔錯, 因為冇咗蘭桂坊嘅喧嘩.. 臨走前仲品嘗過地道冰糖葫蘆, 幾好味, 而且仲嘗試本地人隨街吐山楂核嗰種「豪邁的快感」

一日時間可以cover咁多景點, 相信旅行團都做唔到.. 證明到乜嘢呢?? 我哋仲後生, 哈哈..

4 comments:

  1. 其实是什殺哈哈哈!

    ReplyDelete
  2. 立刻糾正..什殺海!!

    ReplyDelete
  3. 您们两个真的还很年轻啦 :D

    ReplyDelete
  4. 還不錯喇~~你也不是和我們同年嗎??

    ReplyDelete