頭先同幾個同事一齊食晏, 傾到其中一個同事最近請咗個印佣幫手佢打理家務兼凑女.. 咁另外一個同事就話, 印佣至叻就係燙衫, 好似每個都受過專業燙衫訓練咁.. 我就覺得好搞笑喇, 佢哋過嚟之前係一定會需要受過訓練, 但係個訓練應該係要好全面嘅嘛, 我就覺得會特別著重於燙衫呢一方面噃.. 點都好, 聽佢話佢個一見生褓人就喊嘅囡囡對個印佣好冇驚怕, 都戥佢先鬆口氣..
講起燙衫, 其實都不得不讚吓自己.. 我其實係由F4開始就自己燙校服喇, 跟住以後自己啲衫都係自己落手落腳燙架.. 十幾年累積落嚟嘅經驗, 依家件件返工恤衫都畀我燙到直一直, 對於我嚟講簡直就係毫無難度啦.. 雖然堪稱得上係屋企嘅燙衫之王, 但係並唔代表我唔抗拒燙衫噃.. 其實我有個習慣就係一次過會燙好一個禮拜要著嘅衫, 一勞永逸費事每朝起身都要趕住燙衫, 我呈願禮拜天花多點時間, 咁每朝都可以瞓多兩個字啦.. 所以至怕禮拜日要燙衫, 因為成個鐘對住啲衫同燙斗係超熱架, 每次都係大汗滴細汗周身濕透, 勁搞笑.. 喺度話個tips你知, 想燙衫唔覺熱就最好喺朝早瞓醒後燙喇, 因為朝早個體溫經過一覺之後係會稍微降低架..
後記: 記住, 一個識得幫自己燙直件衫嘅男人, 會係個好男人.. 哈哈!!
hahaha... i never will be a good man... as i never seems to learn how to iron clothes
ReplyDeletehahaha.. i have been a good man for more than 10 years laaa.. it's never too late to learn though..
ReplyDelete我這樣大個仔都未燙過衫…因為家人無這個習慣！
ReplyDelete