喺朋友個blog度睇到「望天打卦」呢四個字.. 其實我覺得我應該係明白佢係乜嘢意思, 但係篇篇當時就唔知點解將佢睇成「望, 天打卦」, 即係希望個天可以打卦咁解.. 就因為咁所以混淆自己, 唔明白乜嘢叫做打卦, 應該係話掛風球啩?? 於是就懶叻咁喺MSN度問個朋友, 「你噚日喺個blog度提到望天打卦噃, 咁最近個天有冇打過卦啊?」, 結果搞到佢都唔知我講乜.. 後來充實招來, 問佢乜嘢叫做打卦啦.. 哦, 原來唔係打卦而係望天打卦, 即係看天做人咁解.. 經佢一解, 即刻醒過嚟, 好像搵個窿嚟鄄啊.. 哈哈!! 呢個故事話我知, 有時淨係睇個表面已經係好足夠喇, 太過深入反而會令自己鑽牛角尖, 誤會咗其真正嘅意義..
後記: 搵個窿嚟鄄個鄄字應該係呢個喇, 因為有印象《最緊要正字》曾經講過係「鄄」唔係「捐」呀嘛..
好高興…你個blog提到我！
ReplyDelete^^
哈哈..小意思啦!!
ReplyDelete