23.04.2007 | 變幻莫測的天氣

昨晚到步吉隆坡, 今日就唔駛返工住, 可以抖足精神準備明日報到.. 所以打算出去gym完過後行吓街充吓電.. 天氣確實係變化多端, 變幻莫測, 可以一下子艷陽高掛, 跟住就落咗場傾盆大雨, 雨後又告天晴.. 好耐都冇見過落咁大嘅雨喇, 確實覺得有啲恐怖.. 有個朋友話我知, 因為個天氣時晴時雨, 時熱時涼嘅關係, 搞到佢公司幾個同事都一齊告病假.. 幸好落雨時我都喺室內活動, 未有變成落湯雞.. 本以為雨過天晴之後可以安心回家, 點知到步輕鐵站, 竟然又落緊大雨, 唯有喺度等雨停啦.. 等咗三四個字, 覺得呢場雨應該有排落, 於是趁佢落得細啲, 哪哪臨一支箭飛奔返屋企啦.. 作為一個精明嘅人, 我諗以後都係隨身帶定把遮先至得..