星期日係屋企附近食早餐果陣, 突然間有個相士行埋黎我度.. 其實應該係話有個自稱係相士既人行埋黎我度.. 佢話我“鼻樑正直, 印堂發光, 今日實有好運行”.. 跟住佢就打蛇隨棍上咁問我有冇興趣繼續俾佢睇下個相.. 咁我就當然係一笑婉拒啦..
其實我都冇興趣知道將來既事.. 如果佢話有乜衰運, 我又會心囉囉攣.. 如果如果佢話有乜好運, 我又會俾佢呢番話沖昏頭.. 所以話不如唔好知道會有乜運行仲好啦, 盞自己心神不定既者.. 除非佢真係granted 到我十個奇跡喇, 哈哈.. 所以我認為活在當前就最好不過喇..
老實講, 佢話我“鼻樑正直, 印堂發光, 今日實有好運行”果一霎那.. 都真係幾開心架.. 不過本台柱都唔係乜十八廿二喇.. 我會坦然接受佢呢一句開口想做生意既誠意既..
No comments:
Post a Comment