設定貼子語言 Set language for posts :
中文
English
中英雙文 English & Chinese

17.02.2008 | 直落

噚日同幾位朋友一齊食飯行街唱K睇戲打麻雀直落, 好耐都未試過一日之內做咁多嘢.. 雖然睇落好似好多節目咁, 但係時間上安排得非常之好, 所以一啲都唔覺得趕, 不過就由朝出到接近半夜先返到屋企, 一日儘興之後覺得有啲攰啫.. 老人家唔噤捱, 哈哈..

晏晝去咗Paddington House of Pancake(帕定頓班戟之家, 簡稱PHOP)食lunch, 早前聽友人話係貴夾唔飽, 不過有人提議而且又未試過, 所以就一於跟大隊.. 餐牌整得300分咁靚, 選擇好多而且樣樣睇落都很好味, 餐牌左翻右翻從詳計意之後, 大家決定點以下三樣加各自飲品.. 左至右: Tokyo (意大利茄汁雞配生菜crepe卷), Prague(蕃茄雞肉碎on toasted wheat crepe), smoothies飲品, Treasure Box(bite-size pancake雜果撈加一個雪球).. 其實都OK囉, 味道唔錯而且剛剛飽, 不過眾人意見就係爭咁啲滿足感, 埋單一共約120蚊..
跟住唱K睇戲, 齣戲係《Jumper》講有個人係有種超能力可以穿越時空, 個意念話去邊就可以「唪 」一聲就身處其地喇.. 可能之前對佢有點期望(Mr and Mrs Smith同Bourne Identity導演), 所以睇玩整出戲後, 覺得都係嘛嘛地.. 睇完戲成八點, 大家都好肚餓, 於是就去晚飯.. 一間普通不過餐館但係頗有名, 要咗個招牌瓦褒老鼠粉, 福建炒麵, 椒鹽魷魚, 甘香炒蜆.. 全部都非常之好味, 食得大家即開心又滿足.. 埋單一共約62蚊, 係剛才lunch嘅一半, 但係滿意程度係double啊..
最後上友人屋企開檯玩玩衛生麻雀, 邊打邊傾, 大概11點大家都有點倦意, 所以就散band各自歸家去喇.. 真係好儘興嘅一日啊..

5 comments:

  1. Wow.. you really had a wonderful time huh. Wish I could enjoy like you...

    Well... Singapore is a not so exciting compare to our homeland huh.

    ReplyDelete
  2. haha, once a while in the CNY only lah, so right that ngen is back to hangout with mah.. if you want, we can arranged same thing when you're back, haha!!

    ReplyDelete
  3. well, i have to agree with you that the movie was a bit disappointing... man... i sorta like that director you know... anyway, the food... hmm lunch was a total disappointment -- pricey and not tasty. luckily we got what we deserve at dinner hahaha

    ReplyDelete
  4. 你令我諗起果啲超好食嘅 pancake 呀 ~~~ 要忍因為真係太貴喇。。

    ReplyDelete
  5. 傑士: not as bad as disappointing lah, just that not up to our expectation with the money we paid for lor.. anyway, i really love the dinner very much too.. long time never eat 福建麵 already, haha!!

    mynicole: 你快啲去學整班戟啦, 我唔介意做你嘅白老鼠嘅, 嘿嘿嘿..

    ReplyDelete